Basshar okorma fua (Story Part-II)
ꠡꠇꠟꠦ ꠀꠝꠞꠣ ꠈꠣꠁꠟꠤꠝꠥ ꠀꠞ ꠈꠣꠁꠀ ꠀꠁꠎꠇꠥ ꠡꠤꠅꠞ ꠎꠣꠁꠝꠥ।
ꠅꠘꠦ ꠀꠁꠎꠇꠦ ꠈꠣꠁꠍꠦ ꠈꠡꠤ, ꠅꠘꠦ ꠈꠡꠤ ꠈꠣꠁꠀ ꠔꠃ ꠙꠕ ꠖꠤꠍꠦ ꠉꠦꠍꠦꠉꠤ। ꠇꠔꠅꠈꠣꠘ ꠉꠦꠍꠦ ꠉꠤꠀ ꠖꠦꠈꠦ ꠎꠦ ꠇꠇꠛꠦꠐꠤꠘ ꠇꠔꠉꠥ ꠙꠞꠤ ꠀꠞꠇꠤꠟ ꠡꠣꠔ ꠙꠞꠤ ꠔꠣꠁꠘ ꠔꠣꠁꠘ ꠉꠥꠡꠟ ꠇꠞꠞꠣ।
ꠅꠘꠦ ꠉꠥꠡꠟ ꠇꠞꠞꠣ ꠖꠦꠈꠤꠀ ꠀꠞ ꠢꠦ ꠇꠤꠔꠣ ꠇꠞꠍꠦ ꠟꠥꠇꠣꠁꠀ ꠛꠁꠕꠣꠇꠍꠦ ꠀꠉꠟꠣ ꠄꠇ ꠎꠣꠉꠣꠔ, ꠅꠈꠘ ꠔꠣꠞꠣꠞ ꠇꠣꠙꠠ ꠕꠁꠀ ꠕꠁꠀ ꠉꠥꠡꠟ ꠇꠞꠁꠘ।
ꠅꠘꠦ ꠢꠦ ꠇꠣꠙꠠ ꠟꠥꠇꠣꠁꠟꠤꠍꠦ, ꠅꠘꠦ ꠟꠥꠇꠣꠁꠔꠦ ꠔꠣꠞꠣ ꠉꠥꠡꠟ ꠇꠞꠤ ꠃꠑꠍꠦꠁꠘ ꠄꠞꠣ ꠔꠣꠞꠣꠞ ꠇꠣꠙꠠ ꠘꠣꠁ।
ꠅꠘꠦ ꠄꠇ ꠙꠞꠤꠞ ꠛꠤꠀ ꠅꠁꠍꠦꠘꠣ ꠀꠞ ꠍꠄ ꠙꠞꠤꠞ ꠛꠤꠀ ꠅꠁꠉꠦꠍꠦ ꠀꠞ ꠄꠇ ꠎꠘꠞ ꠛꠤꠀ ꠅꠁꠍꠦꠘꠣ। ꠅꠘꠦꠔꠅ ꠔꠣꠞꠣꠄ ꠇꠁꠍꠦ ꠎꠦ ꠀꠖꠝ ꠎꠣꠔꠦ ꠘꠦꠃ ꠎꠥꠖꠤꠘ ꠎꠦꠔꠣ ꠌꠣꠁꠛꠣꠄ ꠎꠦ ꠛꠞ ꠝꠣꠋꠛꠣꠄ ꠅꠃ ꠛꠞ ꠖꠤꠝꠥ, ꠀꠝꠣꠞ ꠇꠣꠙꠠꠐꠣ ꠖꠤꠟꠣꠅ।ꠅꠘꠦ ꠢꠦ ꠇꠄ ꠘꠣ ꠖꠤꠔꠣꠝꠘꠣꠄ, ꠅꠘꠦ ꠔꠣꠘ ꠔꠣꠘꠞꠦ ꠡꠣꠔꠡꠁꠔ3.46 ꠇꠞꠣꠁꠍꠦ ꠎꠦ ꠛꠞ ꠝꠣꠋꠛꠣꠄ ꠅꠃ ꠛꠞ ꠖꠤꠛꠅ ꠖꠤꠟꠣꠁꠔꠣ ꠇꠣꠙꠠꠐꠣ।
ꠅꠃ ꠖꠤꠍꠦ, ꠖꠦꠃꠀ ꠛꠣꠖꠦ ꠇꠁꠍꠦ ꠗꠞꠅ ꠔꠥꠝꠣꠞꠦ ꠄꠇꠐꠣ ꠎꠤꠘꠤꠡ ꠀꠝꠞꠣ ꠖꠤꠟꠣꠝ ꠎꠦ ꠄꠇꠐꠣ ꠎꠤꠘꠤꠡ ꠖꠤꠟꠣꠝ ꠔꠥꠝꠤ ꠄꠇꠐꠣ ꠛꠇꠞꠤ ꠖꠤꠟꠣꠝ ꠔꠥꠝꠣꠞꠦ ꠅꠉꠥ ꠟꠁꠀ ꠔꠥꠝꠤ ꠎꠣꠁꠛꠣꠄꠉꠤ ꠔꠥꠝꠣꠞ ꠛꠣꠠꠤꠔ।ꠀꠞ ꠅꠇꠐꠣ ꠔꠥꠝꠤ ꠎꠦꠘꠅ ꠛꠣꠘ꠆ꠗꠤꠀ ꠕꠁꠛꠣꠄ ꠅꠈꠐꠣꠄ ꠡꠥꠘꠣ ꠟꠦꠖꠛꠅ ꠀꠞ ꠈꠟꠁꠔ ꠘꠤꠀ ꠗꠁꠛꠣꠄ, ꠗꠁꠟꠦ ꠡꠥꠘꠣꠞ ꠐꠥꠇꠞꠣꠁꠘ ꠙꠣꠁꠛꠣꠄ। ꠔꠥꠝꠤ ꠄꠇ ꠇꠣꠝ ꠇꠞꠅ ꠎꠣꠅꠉꠤ ꠔꠥꠝꠤ ꠄꠇꠛꠣꠞꠦ ꠡꠥꠈꠤ ꠅꠁꠎꠣꠁꠛꠣꠄ ꠅꠇꠐꠣꠔꠣ ꠟꠁꠀ ꠎꠣꠅ। ꠅꠘꠦ ꠄ ꠇꠤꠔꠣ ꠇꠞꠍꠦ ꠙꠕ ꠖꠤꠍꠦ ꠀꠁꠔꠅ ꠅꠘꠦ ꠀꠗꠣ ꠙꠕꠅ ꠀꠁꠀ ꠝꠁ ꠝꠁ ꠒꠣꠇꠤꠀ ꠄꠇ ꠝꠣꠟꠘꠤ ꠛꠦꠐꠤꠞ ꠛꠣꠠꠤꠔ ꠃꠑꠤꠉꠦꠍꠦ।
ꠅꠘꠦ ꠁꠘꠅ ꠎꠦꠔꠇꠥ ꠃꠑꠍꠦ ꠃꠑꠣ ꠛꠣꠖꠦ ꠅꠘꠦ ꠝꠣꠟꠘꠤ ꠛꠦꠐꠤꠞꠦ ꠇꠁꠍꠦ ꠛꠥꠟꠦꠉꠅ ꠝꠁ! ꠛꠥꠟꠦ ꠔꠥꠁ ꠇꠤꠀꠘꠞ ꠛꠁꠘ ꠙꠥꠔꠞꠦ ꠌꠣꠁꠞꠐꠣ ꠈꠥꠖꠤꠞ ꠉꠥꠞꠣ ꠀꠘꠤ ꠀꠝꠤ ꠇꠣꠝ ꠇꠣꠎ ꠇꠞꠤꠀ ꠅꠉꠥꠘ ꠈꠣꠁꠔꠦ ꠇꠞꠤ ꠔꠥꠁ ꠛꠁꠘ ꠙꠥꠔ ꠅꠁꠉꠦꠍꠔ।
ꠛꠥꠟꠦ ꠘꠣꠉꠅ ꠝꠁ ꠄꠇ ꠇꠣꠝ ꠇꠞꠤꠅ ꠔꠥꠝꠣꠞꠦ ꠀꠝꠤ ꠖꠤꠀ ꠎꠣꠁꠝꠥꠘꠦ, ꠛꠥꠟꠦ ꠇꠤꠔꠣ ꠖꠤꠛꠦ ꠛꠥꠟꠦ ꠅꠃꠎꠦ ꠄꠇꠐꠣ ꠛꠇꠞꠤ, ꠛꠇꠞꠤꠐꠣ ꠀꠝꠣꠞꠦ ꠙꠞꠤꠄ ꠖꠤꠍꠦ। ꠅꠃꠉ꠆ꠉꠦ ꠡꠥꠘꠣ ꠟꠦꠖꠛꠅ, ꠟꠦꠖꠟꠦ ꠔꠥꠝꠤ ꠈꠟꠁꠖꠤ ꠗꠁꠀ ꠡꠇꠣꠟꠦ ꠎꠣ ꠡꠥꠘꠣ ꠙꠣꠁꠛꠣꠄ ꠔꠥꠝꠤ ꠘꠤꠛꠣꠄꠉꠤꠀ।
ꠀꠞ ꠛꠇꠞꠤ ꠀꠝꠣꠞ ꠀꠝꠤ ꠟꠁꠀ ꠎꠣꠁꠝꠥꠉꠤ, ꠛꠥꠟꠦ ꠔꠦ ꠛꠁꠘ ꠙꠥꠔ ꠕꠣꠇꠤꠎꠣꠅ। ꠅꠘꠦ ꠛꠁꠘ ꠙꠥꠔꠞꠦ ꠝꠣꠄꠀ-ꠃꠄꠀ ꠇꠞꠤꠀ ꠀꠞ ꠞꠣꠈꠤꠀ। ꠀꠞ ꠛꠦꠐꠤꠞ ꠄꠇꠐꠣ ꠛꠇꠞꠤ ꠀꠍꠤꠟ ꠛꠖꠟꠣꠁꠟꠣꠁꠍꠦ, ꠎꠦ ꠅꠇꠐꠣ ꠛꠁꠘ ꠙꠥꠔꠞꠦ ꠖꠤꠀ ꠀꠞ ꠅꠇꠐꠣ ꠘꠤꠍꠦꠉꠤ।
ꠅꠘꠦ ꠁꠇꠐꠣ ꠘꠦꠅꠀꠞ ꠙꠞꠦ ꠢꠦ ꠔꠣꠞ ꠛꠣꠠꠤꠔ ꠟꠁꠀ ꠀꠁꠍꠦ, ꠀꠁꠀ ꠜꠣꠁꠞ ꠛꠃꠞꠦ ꠇꠁꠍꠦ ꠛꠥꠟꠦ ꠉ ꠜꠣꠛꠤ! ꠄꠈꠣꠘ ꠇꠣꠝ ꠇꠞꠅ ꠡꠣꠔꠅ ꠎꠘꠦ ꠔꠥꠝꠞꠣ ꠗꠘꠤ ꠅꠁꠎꠤꠛꠣꠄ। ꠛꠥꠟꠦ ꠇꠤꠟꠣ ꠗꠘꠤ ꠅꠁꠝꠥ?
ꠛꠥꠟꠦ ꠄꠇꠐꠣ ꠛꠇꠞꠤ ꠀꠘꠍꠤ ꠅꠇꠐꠣ ꠛꠣꠘ꠆ꠗꠤꠀ ꠕꠁꠛꠣꠄ ꠀꠡ꠆ꠔꠣ ꠞꠣꠁꠔ ꠙꠞ ꠖꠤꠅ। ꠡꠣꠔꠅ ꠎꠘꠦ ꠙꠞ ꠖꠤꠛꠣꠄ ꠔ ꠅꠇꠐꠣꠄ ꠡꠥꠘꠣ ꠟꠦꠖꠛꠅ ꠀꠞ ꠅꠃ ꠟꠦꠖꠣ ꠗꠁꠀ ꠀꠘꠛꠣꠄ ꠡꠥꠘꠣ ꠙꠣꠁꠛꠣꠄ ꠀꠞ ꠔꠥꠝꠤꠔꠣꠁꠘ ꠘꠤꠛꠣꠄꠉꠤ।
ꠅꠘꠦ ꠡꠣꠔꠅ ꠜꠣꠁꠞ ꠛꠃ ꠔꠣꠁꠘ ꠔꠣꠁꠘ ꠀꠞ ꠍꠄꠅ ꠜꠣꠁꠞ ꠛꠃ ꠊꠥꠝꠣꠁꠞꠣꠘꠣ। ꠅꠘꠦ ꠔꠣꠁꠘ ꠔꠣꠁꠘ ꠙꠞꠃ ꠖꠤꠞꠣ ꠙꠞ ꠖꠤꠔꠦ ꠖꠤꠔꠦ ꠅꠘꠦ ꠟꠦꠖꠍꠦ। ꠔꠦ ꠙꠞꠞ ꠖꠤꠘ ꠡꠇꠣꠟꠦ ꠍꠄꠅ ꠎꠘ ꠉꠦꠍꠁꠘ ꠗꠁꠔꠦ ꠅꠘꠦꠔꠅ ꠁꠇꠐꠣ ꠡꠥꠘꠣ ꠘꠣꠄ ꠅꠘꠦ ꠇꠄ ꠇꠥꠘ ꠛꠣꠐꠙꠣꠞꠦ ꠔꠞꠦ ꠟꠣꠉꠣꠟ ꠙꠣꠁꠍꠦ ꠀꠞ ꠖꠤꠍꠦ।
ꠀꠞ ꠅꠈꠘꠇꠥ ꠇꠁꠞꠦ ꠎꠤꠅ ꠇꠤꠔꠣ ꠇꠤꠅꠞ ꠡꠥꠘꠣ ꠟꠦꠖꠔꠅ ꠁꠇꠐꠣ ꠛꠇꠞꠤ ꠄꠇꠐꠣ ꠟꠁꠀ ꠀꠁꠌ꠆ꠌꠔ ꠇꠣꠞ ꠌꠥꠞꠤ ꠇꠞꠤ।
ꠛꠥꠟꠦ ꠘꠣ ꠀꠝꠤ ꠌꠥꠞꠤ ꠇꠞꠤ ꠇꠥꠘꠥ ꠛꠇꠞꠤ ꠀꠘꠍꠤꠘꠣ। ꠇꠣꠁꠟ ꠎꠣꠁꠝꠥ ꠡꠣꠔꠈꠣꠘ ꠙꠤꠑꠣ ꠀꠝꠣꠞꠦ ꠛꠣꠘꠣꠁꠀ ꠖꠤꠟꠣꠁꠛꠣꠄ ꠌꠤꠔꠟ ꠙꠤꠑꠣ।
ꠅꠘꠦ ꠀꠞꠇꠎꠘ ꠞꠁꠍꠟꠣ ꠛꠣꠇꠤ ꠢꠦꠁꠘ ꠡꠣꠔꠈꠣꠘ ꠌꠤꠔꠟ ꠙꠤꠑꠣ ꠇꠞꠤꠀ ꠖꠤꠍꠁꠘ ꠟꠁꠀ ꠉꠦꠍꠦ ꠌꠤꠔꠟ ꠙꠤꠑꠣ ꠡꠣꠔꠅꠈꠣꠘ।
ꠅꠃ ꠇꠁꠍꠦ ꠉꠤꠀ ꠛꠁꠍꠦ ꠀꠞꠛꠣꠞ ꠅ ꠔꠣꠁꠘ ꠔꠣꠁꠘ ꠉꠥꠡꠟꠅ ꠀꠁꠍꠁꠘ। ꠅꠘꠦ ꠇꠞ ꠄꠈꠣꠘ ꠇꠣꠁꠝꠥ ꠖꠥꠈꠣꠘ ꠇꠣꠁꠝꠥ ꠈꠣꠁꠔꠦ ꠈꠣꠁꠔꠦ ꠡꠣꠔꠅꠈꠣꠘ ꠈꠣꠁꠝꠥ।
ꠅꠘꠦ ꠔꠣꠁꠘ ꠔꠣꠁꠘ ꠉꠥꠡꠟꠅ ꠟꠣꠝꠍꠁꠘ ꠟꠣꠝꠤꠀ ꠃꠑꠁꠘ ꠀꠞ ꠡꠥꠘꠞꠣ ꠄꠈꠣꠘ ꠈꠣꠁꠝꠥ ꠖꠥꠈꠣꠘ ꠈꠣꠁꠝꠥ ꠈꠣꠁꠔꠦ ꠈꠣꠁꠔꠦ ꠡꠣꠔꠅꠈꠣꠘ ꠈꠣꠁꠝꠥ।
ꠅꠘꠦ ꠇꠞ ꠉ ꠛꠁꠘ ꠡꠥꠘ ꠔꠞ ꠔ ꠅꠁꠍꠦꠘꠣ ꠛꠤꠀ ꠀꠞ ꠀꠝꠞꠣꠞ ꠅꠁꠉꠦꠍꠦ ꠛꠤꠀ ꠅꠘꠦ ꠘꠤꠟꠦ ꠔꠞꠦ ꠘꠦꠃꠇꠖꠦꠘꠦ।
ꠅꠘꠦ ꠇꠞ ꠄꠈꠣꠘ ꠖꠥꠈꠣꠘ ꠇꠁꠀ ꠈꠣꠁꠔꠦ ꠈꠣꠀꠔꠦ ꠡꠣꠔꠅꠈꠣꠘ ꠈꠣꠁꠟꠣꠁꠛꠅ ꠅꠇꠘ ꠔ ꠀꠝꠞꠣ ꠡꠣꠔꠅꠉꠥꠞꠦ ꠘꠤꠛꠅꠉꠤꠀ।
ꠅꠈꠘ ꠔꠣꠞꠣ ꠇꠄ ꠞꠣꠈ ꠀꠡ꠆ꠔꠦ ꠀꠡ꠆ꠔꠦ ꠀꠝꠞꠣ ꠇꠣꠘ꠆ꠖꠣꠔ ꠎꠣꠁ ꠇꠣꠘ꠆ꠖꠣꠔ ꠉꠤꠀ ꠎꠤꠇꠣ ꠇꠞꠤ ꠎꠦ ꠀꠝꠞꠣ ꠖꠤꠟꠣꠝ ꠎꠦꠘꠦ ꠁꠇꠐꠣ ꠇꠤꠔꠣ ꠅꠁꠟꠅ। ꠔꠣꠞꠦ ꠎꠤꠇꠣꠞ ꠇꠞꠤ।
ꠅꠘꠦ ꠉꠦꠍꠁꠘ ꠔꠣꠁꠘ ꠔꠣꠁꠘ ꠉꠤꠀ ꠇꠁꠟꠣ ꠛꠥꠟꠦ, ꠀꠝꠞꠣ ꠎꠦꠘꠅ ꠖꠤꠟꠣꠝ ꠔꠞꠦ ꠇꠁꠟꠣꠝ ꠄꠇꠛꠣꠞꠦ ꠡꠥꠈꠤ ꠅꠁꠎꠣꠁꠛꠦ ꠔꠦ ꠔꠥꠁ ꠄꠈꠘꠇꠥ ꠇꠤꠔꠣ ꠇꠞꠟꠦ ꠁꠇꠐꠣ।
ꠛꠥꠟꠦ ꠁꠇꠐꠣ ꠘꠤꠍꠟꠣꠝ ꠘꠤꠀ ꠕꠁꠍꠤ ꠈꠣꠘꠅꠈꠣ ꠡꠥꠘꠣ-ꠃꠘꠣ ꠟꠦꠖꠦꠘꠣ ꠁꠔꠣ ꠀꠘꠔꠣꠎꠤ ꠔꠥꠝꠤꠔꠣꠁꠘ ꠁꠔꠣ ꠀꠝꠣꠞꠦ ꠇꠤꠔꠣ ꠖꠤꠍꠅ।
0 Comments