Bhai amar Bidash gala (Kasabi)(Story Part-II)

 

Bhai amar Bidash gala (Kasabi)(Story Part-II) 

 

ꠀꠝꠣꠞ ꠜꠣꠁꠞ ꠎꠥꠖꠤꠘ ꠇꠥꠘꠥ ꠇꠤꠌ꠆ꠍꠥ ꠅꠁꠛꠅ ꠔꠦ ꠖꠦꠈꠛꠣꠄ ꠔꠥꠝꠣꠔꠣꠘꠞꠦ ꠇꠤꠟꠣꠈꠣꠘ ꠀꠝꠤ ꠁꠅ ꠇꠞꠤ। ꠅꠃ ꠉꠦꠟꠣꠝ ꠌꠦꠄꠀꠞꠝꠦꠘꠞ ꠉꠦꠍꠦ ꠝꠦꠝ꠆ꠛꠣꠞꠞ ꠉꠦꠍꠦ ꠉꠤꠀ ꠇꠁꠟꠣꠝ, ꠇꠁꠟꠣꠝ ꠅꠟꠣ ꠅꠟꠣ ꠅꠛꠡ꠆ꠔꠣ। ꠔꠣꠁꠘ ꠎꠣꠟ ꠜꠤꠡꠣ ꠖꠤꠍꠁꠘ ꠀꠝꠞꠣ ꠅꠔꠈꠣꠘꠔꠅ ꠃꠟꠣꠁꠍꠤꠘꠣ, ꠔꠦ ꠀꠝꠞꠣꠞꠦ ꠅꠈꠘ ꠀꠝꠣꠞ ꠜꠣꠁꠞ ꠈꠥꠎꠅ ꠘꠣꠁ ꠀꠞ ꠇꠥꠘꠥ ꠇꠣꠉꠎꠙꠖꠞꠅ ꠖꠤꠔꠅ ꠔꠣꠁꠘ ꠡꠤꠇꠣꠞ ꠀꠁꠘ꠆ꠘꠣ, ꠅꠈꠘ ꠇꠤꠔꠣ ꠇꠞꠔꠣꠝ। ꠛꠥꠟꠦ ꠅꠃ ꠄꠇꠐꠣ ꠝꠣꠞꠣꠔ꠆ꠔꠇ ꠜꠥꠟ ꠇꠞꠍꠅ। ꠎꠥꠖꠤꠘ ꠇꠣꠉꠎ ꠙꠔꠞꠅ ꠕꠣꠇꠔꠅ ꠔꠦ ꠔꠣꠞ ꠟꠉꠦ ꠛꠤꠍꠣꠞ ꠙꠣꠁꠘꠌꠣꠁꠔ ꠇꠞꠟꠦ ꠀꠝꠞꠣ ꠄꠇꠐꠣ ꠡꠥꠎꠥꠉ ꠡꠥꠛꠤꠗꠣ ꠙꠣꠁꠟꠣꠝꠘꠦ, ꠅꠘꠦ ꠇꠣꠉꠎ ꠙꠔꠞꠅ ꠘꠣꠁ ꠀꠝꠞꠣ ꠛꠤꠍꠣꠞ ꠀꠞ ꠁꠅ ꠇꠞꠔꠣꠝ ꠇꠤꠟꠣꠈꠣꠘ।ꠀꠝꠞꠣ ꠡꠦꠡ। ꠄꠈꠘꠔꠅ ꠌꠦꠄꠀꠞꠝꠦꠘꠞ ꠛꠣꠠꠤꠔ ꠉꠦꠟꠣ ꠉꠤꠀ ꠝꠦꠝꠛꠣꠞ ꠉꠦꠟꠣ, ꠎꠣꠅꠀꠞ ꠙꠞꠦ ꠅꠘꠦ ꠇꠁꠟꠣꠛꠣ ꠇꠤꠟꠣ ꠇꠤꠟꠣ ꠔꠥꠝꠤ ꠛꠤꠖꠦꠡ ꠙꠣꠑꠣꠁꠟꠣꠄ, ꠀꠞ ꠁ ꠛꠦꠐꠣ ꠉꠤꠀ ꠎꠦꠝꠘ ꠘꠣꠁ ꠅꠁꠟꠅ ꠅꠈꠘ ꠝꠣ- ꠛꠣꠙꠔꠅ ꠅꠘꠣꠢꠣꠞꠦ ꠝꠣꠞꠣ ꠎꠣꠞ। ꠔꠦ ꠔꠥꠝꠤ ꠇꠤꠔꠣ ꠇꠞꠟꠣꠄ।

ꠅꠃ ꠇꠁꠟꠅ ꠀꠝꠤꠔꠅ ꠖꠤꠟꠣꠝ ꠛꠤꠖꠦꠡ, ꠅꠘꠦ ꠛꠤꠖꠦꠡ ꠉꠤꠀ ꠛꠤꠖꠦꠡꠔꠅ ꠇꠥꠘꠥ ꠁꠅꠞ ꠇꠔꠅ, ꠇꠔꠅ ꠘꠄꠛꠤꠞꠤꠋꠉꠞ ꠎꠣꠉꠣ, ꠇꠦꠃ ꠛꠣꠖ ꠅꠞ ꠇꠦꠃ ꠜꠣꠟꠣ ꠅꠞ, ꠇꠦꠃ ꠛꠣꠖꠞ ꠙꠣꠟ꠆ꠟꠣꠔ ꠙꠞꠤꠀ ꠐꠦꠇꠣ ꠙꠄꠡꠣ ꠖꠦꠞꠘꠣ ꠝꠣ-ꠛꠣꠙ ꠜꠥꠟꠤꠟꠤꠍꠦ। ꠄꠈꠘ ꠀꠝꠤ ꠇꠥꠘꠥ ꠔꠣꠞ ꠟꠉꠦ ꠛꠤꠖꠦꠝ ꠉꠦꠍꠤꠘꠤ। ꠛꠥꠟꠦ ꠘꠣ ꠛꠣ ꠁꠟꠣ ꠇꠕꠣ ꠇꠁꠟꠦꠔꠅ ꠀꠞ ꠅꠁꠟꠘꠣ ꠉꠞꠤꠛ ꠝꠣꠘꠥꠡ ꠎꠦꠛꠟꠣ ꠔꠥꠝꠣꠞ ꠎꠥꠞꠤꠀ ꠉꠦꠟꠅ ꠔꠦꠔꠅ ꠔꠥꠝꠤ ꠄꠇꠐꠣ ꠔꠔꠘ꠆ꠔ ꠇꠞꠤꠀ ꠖꠤꠔꠣꠄ।ꠅꠇꠁꠟꠅ ꠔꠔꠘ꠆ꠔ ꠀꠝꠤ ꠇꠞꠝꠥ ꠇꠤꠟꠣꠈꠣꠘ, ꠔꠃ ꠟꠉꠞ ꠀꠞꠇꠎꠘꠦ ꠇꠁꠟꠣ ꠎꠦꠘ ꠢꠛꠣꠠꠤꠞ ꠄꠇꠎꠘ ꠀꠁꠍꠁꠘ ꠛꠤꠖꠦꠡ ꠔꠘꠦ ꠔꠣꠘ ꠉꠦꠍꠦ ꠎꠣꠃ। ꠅꠃ ꠝꠤꠝꠛꠣꠞ ꠌꠦꠀꠞꠝꠦꠘ ꠡꠛꠣꠞꠦ 8.03 ꠔꠣꠘ ꠉꠦꠍꠦ ꠎꠣꠅꠀ ꠅꠁꠟꠅ।ꠉꠤꠀ ꠎꠤꠇꠣꠁ ꠟꠣꠁꠟꠅ ꠅꠛꠣ ꠀꠝꠒꠣꠞ ꠁꠅꠞꠦ ꠖꠦꠈꠟꠣꠣꠄꠘꠤ ꠔꠣꠁꠘ ꠛꠤꠖꠦꠡ ꠉꠦꠍꠞꠣꠞꠦꠛꠣ ꠔꠥꠝꠤ ꠈꠛꠞ ꠎꠣꠘꠘꠤ, ꠔꠥꠝꠤ ꠖꠦꠈꠍꠘꠤ, ꠔꠥꠝꠣꠞ ꠟꠉꠦ ꠇꠥꠘꠥ ꠖꠦꠈꠣ ꠡꠣꠇ꠆ꠇꠣꠔ ꠅꠁꠍꠦꠘꠤ। ꠇꠁꠟꠅ ꠘꠣꠔꠅ ꠛꠤꠖꠦꠡ ꠇꠥꠘꠥ ꠄꠇꠟꠣꠈꠣꠘ ꠎꠣꠉꠣꠘꠤ ꠇꠔꠅ ꠟꠣꠈꠣꠘ ꠎꠣꠉꠣ, ꠇꠔꠅ ꠝꠥꠐꠣ ꠝꠥꠐꠣ ꠁꠅ। ꠄꠛꠟꠣ ꠇꠥꠘ ꠎꠣꠉꠣꠔ ꠉꠦꠍꠦ ꠀꠞ ꠇꠥꠘ ꠎꠣꠉꠣꠔ ꠁꠅ ꠅꠁꠍꠦ ꠀꠝꠞꠣ ꠔ ꠀꠞ ꠇꠁꠔꠣꠝ ꠙꠣꠞꠤꠘꠣ। ꠀꠝꠤꠔꠅ ꠒꠥꠛꠣꠁꠔ ꠀꠍꠟꠣꠝ। ꠛꠥꠟꠦ ꠀꠝꠣꠞ ꠅꠔ꠆ꠔꠅ ꠒꠥꠛꠣꠁꠔ ꠀꠍꠤꠟꠛꠣ, ꠔꠦ ꠒꠥꠛꠣꠁ ꠡꠢꠞ ꠇꠤꠔꠣ ꠄꠇꠟꠣꠈꠣꠘ ꠘꠣꠄꠘꠤ?

ꠛꠥꠟꠦ ꠘꠣ ꠄꠈꠟꠣꠈꠣꠘ ꠘꠣꠄ, ꠁꠔꠣ ꠘꠣꠘꠣꠘ ꠗꠞꠘꠞ ꠎꠣꠉꠣ ꠀꠍꠦ। ꠔꠦꠔꠅ ꠉ ꠁꠟꠣ ꠎꠥꠖꠤꠘ ꠁꠅꠄ ꠎꠣꠄ 8.37 ꠎꠣꠟ ꠜꠤꠡꠣꠄ ꠎꠣꠄ ꠔꠦꠔꠅ ꠔꠥꠝꠣꠞ ꠜꠣꠁ ꠎꠦ ꠡꠝꠄ ꠛꠤꠖꠦꠡ ꠉꠦꠍꠦ, ꠁ ꠡꠝꠄ ꠇꠤꠛꠣꠘ ꠗꠞꠣ ꠈꠣꠁꠔꠅ ꠙꠣꠞꠦ। ꠛꠥꠟꠦ ꠘꠣꠛꠣ ꠔꠥꠝꠤ ꠁ ꠇꠕꠣ ꠇꠁꠅ ꠘꠣꠛꠣ, ꠀꠝꠣꠞ ꠜꠣꠁ ꠗꠞꠣ-ꠃꠞꠣ ꠈꠣꠁꠍꠦ ꠘꠣꠞꠦꠛꠣ, ꠔꠥꠝꠤ ꠜꠣꠟꠣ ꠇꠕꠣ ꠇꠃ। ꠛꠥꠟꠦ ꠎꠥꠖꠤꠘ ꠗꠞꠣ ꠈꠣꠄꠘꠣ ꠀꠞ ꠜꠣꠟꠣ ꠙꠕꠦ ꠌꠟꠦ ꠔꠦ ꠎꠦꠟ ꠈꠣꠐꠤꠀ ꠔꠥꠝꠣꠞ ꠜꠣꠁ ꠀꠁꠛꠅ। ꠛꠥꠟꠦ ꠘꠣꠛꠣ ꠎꠦꠟꠅ ꠈꠣꠐꠔꠅ ꠇꠦꠘꠦꠛꠣ। ꠜꠤꠡꠣ ꠖꠤꠀ ꠉꠦꠟꠅ ꠔꠦ ꠎꠦꠟ ꠈꠣꠐꠔꠅ ꠇꠤꠔꠣꠞ ꠟꠣꠉꠤ?

ꠛꠥꠟꠦ ꠘꠣꠉꠅ ꠎꠥꠖꠤꠘ ꠅꠛꠢꠤꠔꠅ ꠜꠤꠡꠣꠄ ꠎꠣꠄ ꠔꠦ ꠎꠦꠟ ꠈꠣꠐꠛꠅ। ꠀꠞ ꠎꠥꠖꠤꠘ ꠜꠣꠟꠣ ꠜꠤꠡꠣꠄ ꠎꠣꠄ ꠔꠦ ꠁꠅꠄ ꠞꠣꠈꠛꠅ, ꠞꠣꠈꠤꠀ ꠔꠣꠞꠦ ꠌꠤꠑꠤꠙꠔ꠆ꠞ ꠖꠦꠅꠀꠞ ꠡꠥꠎꠥꠉ ꠡꠥꠛꠤꠔꠣ ꠇꠞꠤꠀ ꠖꠤꠛꠅ, ꠄ ꠍꠣꠠꠣ ꠔ ꠇꠥꠘꠥ ꠙꠖ꠆ꠗꠔꠤ ꠘꠣꠁ। ꠛꠥꠟꠦ ꠘꠣꠞꠦꠛꠣ, ꠔꠦ ꠔꠥꠝꠤ ꠇꠣꠞ ꠝꠣꠞ ꠁꠅꠄ ꠉꠦꠍꠟꠣꠄ, ꠛꠥꠟꠦꠞꠦꠛꠣ ꠀꠝꠤꠔꠅ ꠅꠝꠥꠇꠞ ꠁꠅꠄ ꠉꠦꠍꠟꠣꠝ, ꠉꠦꠍꠟꠣꠝ ꠅꠘꠦ ꠢꠦꠔꠅ ꠀꠝꠒꠣꠞꠦ ꠇꠥꠘꠥ ꠙꠣꠔ꠆ꠔꠣ ꠖꠦꠄꠘꠣ, ꠇꠥꠘꠥ ꠁꠅ ꠘꠣꠄ। ꠛꠥꠟꠦ ꠔꠦꠔꠅ ꠢꠦꠔꠅ ꠇꠔꠅ ꠝꠣꠁꠘꠡꠞꠦ ꠁꠟꠣꠈꠣꠘ ꠙꠣꠑꠣꠁꠍꠦ, ꠙꠣꠑꠣꠁꠀ ꠇꠔꠅ ꠝꠣꠘꠥꠡ ꠅꠘꠣꠢꠣꠞꠦ ꠝꠞꠍꠦ ꠛꠣ ꠎꠦꠟ ꠈꠣꠐꠤꠀ ꠇꠦꠃ ꠀꠁꠍꠦ ꠇꠦꠃ ꠀꠁꠍꠦꠃꠘꠣ, ꠔꠦ ꠅꠉꠥꠞ ꠝꠣꠞ ꠙꠕꠅ ꠉꠦꠍꠅ ꠁꠉ꠆ꠉꠦꠔꠅ ꠁꠅ ꠇꠞꠦ ꠁꠉꠥꠔꠅ ꠜꠣꠟꠣ ꠘꠣꠄ, ꠁꠉꠥꠞ ꠁꠅꠄ ꠉꠦꠟꠣꠄ ꠇꠦꠘꠦ? ꠔꠥꠝꠞꠣ ꠛꠤꠖꠦꠡ ꠎꠣꠁꠔꠣꠄ ꠀꠍꠟꠣꠄ ꠎꠥꠖꠤꠘ ꠔꠦ ꠀꠝꠣꠞꠦ ꠇꠦꠘꠦ ꠇꠁꠟꠣꠄꠘꠣ, ꠀꠝꠤ ꠜꠣꠟꠣ ꠜꠤꠡꠣ ꠖꠤꠀ ꠖꠤꠟꠣꠝꠅꠘꠦ ꠙꠣꠡ ꠇꠞꠤꠀ। ꠛꠥꠟꠦ ꠔꠥꠝꠤ ꠜꠣꠟꠣ ꠜꠤꠡꠣ ꠇꠤꠀꠘꠔꠘꠦ ꠖꠤꠟꠣꠄ ꠅꠘꠦ? ꠛꠥꠟꠦ ꠔꠥꠝꠤ ꠎꠣꠘꠅ ꠘꠣꠘꠤ ?

ꠛꠥꠟꠦ ꠘꠣ। ꠛꠥꠟꠦ ꠎꠥꠖꠤꠘ ꠇꠦꠃ ꠛꠤꠖꠦꠡ ꠎꠣꠁꠔꠅ ꠌꠣꠄ ꠔꠦ ꠔꠣꠞꠦ, ꠔꠣꠞꠦ ꠘꠤꠀ ꠁꠅꠔ ꠟꠁꠀ ꠎꠣꠁꠛꠣꠄ ꠐꠦꠛꠦꠡꠅ।ꠐꠦꠛꠦꠡꠅ ꠘꠤꠀ ꠖꠤꠟꠦ ꠔꠥꠝꠣꠞ ꠛꠦꠡ ꠕꠣꠇꠤ ꠛꠦꠡ ꠈꠛꠞ ꠎꠥꠖꠤꠘ ꠈꠞꠌ ꠎꠣꠄ ꠔꠦ ꠔꠥꠝꠣꠞ ১৫ꠡ ꠛꠣ ꠄꠇ ꠢꠣꠎꠣꠞꠞ ꠜꠤꠔꠞꠦ ꠔꠥꠝꠣꠞ ꠡꠝꠣꠗꠣꠘ ꠅꠁꠎꠣꠁꠛꠉꠤ। ꠔꠥꠝꠤ ꠇꠤꠔꠣꠞ ꠟꠣꠉꠤ ꠁ ꠝꠞꠣ ꠝꠞꠞꠣꠄ ꠀꠞ ꠁꠉꠥꠞ ꠉꠦꠍꠦ ꠉꠦꠟꠣꠄ। ꠛꠥꠟꠦ ꠞꠦꠛꠣ ꠀꠝꠞꠣ ꠘꠣ ꠛꠥꠎꠤꠀ ꠔ ꠉꠦꠍꠤ, ꠄꠈꠘ ꠀꠝꠣꠞ ꠜꠣꠁꠉꠥ ꠀꠁꠔꠅ ꠇꠤꠟꠣꠈꠣꠘ ꠅꠁꠔꠅ ꠇꠤꠟꠣꠈꠣꠘ ꠅꠃ ꠙꠖ꠆ꠗꠔꠤ ꠘꠦꠃ ꠞꠦꠛꠣ। ꠛꠥꠟꠦ ꠅꠃ ꠙꠖ꠆ꠗꠔꠤꠅꠃ ꠀꠍꠦ ꠎꠥꠖꠤꠘ ꠗꠞꠣ ꠃꠞꠣ ꠈꠣꠄ ꠀꠞ ꠎꠦꠟ ꠃꠟ ꠈꠣꠐꠦ ꠔꠦ ꠔꠤꠘ ꠝꠣꠡ ꠎꠦꠟ ꠈꠣꠐꠛꠅ ꠇꠣꠐꠤꠀ ꠔꠣꠞ ꠙꠞꠦ ꠛꠣꠞꠁꠀ ꠀꠁꠛꠅ। ꠀꠞ ꠎꠥꠖꠤꠘ ꠗꠞꠣ ꠈꠣꠄꠘꠣ ꠐꠦꠛꠦꠡꠦ ꠞꠣꠈꠦ ꠔꠦ ꠡꠥꠈꠦ ꠀꠍꠦ ꠡꠣꠘ꠆ꠔꠤ ꠀꠍꠦ ꠇꠥꠘꠥ ꠌꠤꠘ꠆ꠔꠣ ꠗꠣꠞꠣ ꠇꠞꠤꠅꠘꠣ। ꠔꠦ ꠡꠣꠝꠘꠞ ꠛꠤꠞꠡꠥꠔꠛꠣꠞꠦ ꠅꠝꠥꠇꠞ ꠙꠥꠀ ꠀꠁꠛꠅ ꠅꠉꠥꠞ ꠉꠦꠍꠦ ꠎꠣꠁꠅ ꠔꠥꠝꠞꠣ ꠜꠣꠟꠣ ꠙꠞꠣꠝꠞꠡꠅ ꠙꠣꠁꠛꠣꠄ ꠀꠍꠦ ꠇꠤ ꠘꠣ ꠀꠍꠦ।

ꠛꠥꠟꠦ ꠔꠦ ꠑꠤꠇ ꠀꠍꠦ ꠅꠈꠘꠇꠥ ꠉ ꠀꠝꠞꠣꠔꠅ ꠢꠥꠘꠟꠣꠝ ꠛꠥꠏꠟꠣꠝ ꠔꠦ ꠔꠥꠝꠤ ꠅꠈꠣꠘꠔꠣ ꠛꠣꠞ ꠌꠣꠁꠟꠣꠃ, ꠌꠣꠁꠟꠦ ꠖꠦꠈꠤꠟꠣꠅ ꠅꠉꠥ ꠀꠄꠘꠤ ꠛꠤꠖꠦꠡꠔꠘꠦ ꠀꠁꠟꠦ ꠅꠉꠥꠞ ꠉꠦꠍꠦ ꠀꠝꠞꠣ ꠇꠥꠘꠥ ꠈꠛꠞ ꠙꠣꠁꠘꠤ ꠖꠦꠈꠤ। ꠅꠃ ꠌꠦꠄꠀꠞꠝꠦꠘ ꠛꠣꠠꠤꠘ꠆ꠔꠘꠦ ꠀꠁꠟ꠆ꠟꠣ, ꠀꠁꠀ ꠢꠇꠟ ꠢꠈꠟꠞ ꠛꠣꠄ ꠉꠦꠟꠣꠉꠤ, ꠀꠝꠞꠣ ꠀꠝꠞꠣꠞ ꠛꠣꠠꠤꠔ ꠀꠁꠟꠣꠝ। ꠅꠈꠘ ꠀꠁꠍꠦ ꠔꠣꠞ ꠙꠞꠦ ꠉꠦꠟꠣꠝ, ꠉꠤꠀ ꠇꠁꠟꠣꠝ ꠞꠦꠛꠣ ꠔꠥꠝꠤꠔꠅ ꠛꠤꠖꠦꠡꠔꠘꠦ ꠀꠁꠍꠅ ꠜꠣꠟꠣ ꠀꠚꠔꠣ ꠀꠁꠍꠘꠤ ? ꠛꠥꠟꠦ ꠅꠄ ꠉ ꠀꠝꠞꠣꠔꠅ ꠜꠣꠟꠣ ꠀꠚꠔꠣ ꠀꠁꠍꠤ। ꠛꠥꠟꠦ ꠞꠦꠛꠣ ꠀꠝꠣꠞ ꠜꠣꠁꠉꠥ ꠛꠤꠖꠦꠡ ꠉꠦꠍꠤꠟ ꠔꠥꠝꠣꠞ ꠟꠉꠦ ꠇꠥꠘꠥ ꠖꠦꠈꠤ ꠡꠣꠇ꠆ꠇꠣꠔ ꠅꠁꠍꠦꠘꠤ? ꠇꠁꠟꠅ ꠔꠥꠝꠣꠞ ꠜꠣꠁ ꠛꠤꠖꠦꠡ ꠉꠦꠍꠦ ꠀꠝꠞꠣꠔꠅ ꠎꠣꠘꠤꠘꠣ ꠉ, ꠔꠥꠝꠣꠞ ꠜꠣꠁ ꠇꠥꠘꠖꠤꠘ ꠉꠦꠍꠦ। ꠛꠥꠟꠦꠛꠣ ꠀꠁꠎꠔꠅ, ꠀꠁꠎ ꠕꠣꠇꠤ ꠔꠤꠘ ꠝꠣꠡ ꠅꠁꠎꠣꠞꠉꠤ ꠉꠦꠍꠦ, ꠔꠥꠝꠣꠞ ꠟꠉꠦ ꠇꠥꠘꠥ ꠖꠦꠈꠣ ꠃꠇꠣ ꠅꠁꠍꠦꠘꠤ? ꠘꠣꠉꠅ ꠀꠝꠞꠣꠞ ꠟꠉꠦꠔꠅ ꠖꠦꠈꠣ ꠃꠇꠣ ꠅꠁꠍꠦꠘꠣ। ꠔꠦ ꠇꠣꠞ ꠝꠣꠞ ꠙꠔꠦ ꠉꠦꠍꠅ। ꠛꠥꠟꠦꠔꠅ ꠁꠅꠞ ꠝꠣꠞ ꠙꠕꠦ ꠉꠦꠍꠦ। ꠔꠦ ꠁꠅ ꠇꠞꠅ, ꠔꠣꠞ ꠝꠣꠞ ꠙꠕꠦ ꠎꠣꠄ ꠎꠥꠖꠤꠘ ꠔꠦꠔꠅ ꠁꠉꠥꠔꠅ ꠛꠦꠡꠤ ꠡꠥꠛꠤꠗꠣꠞ ꠘꠣꠄ। ꠢꠦꠔꠅ ꠛꠣꠖ ꠝꠣꠘꠥꠡ, ꠢꠦ ꠎꠣꠟ ꠛꠤꠡꠣꠄ ꠝꠣꠘꠥꠡ ꠖꠦꠄ। ꠖꠦꠈꠅ ꠔꠥꠝꠣꠔꠣꠘꠞ ꠟꠣꠈ ꠜꠣꠟꠣ ꠕꠣꠇꠦ ꠎꠥꠖꠤꠘ ꠔꠦ ꠚꠤꠞꠤꠀ ꠀꠁꠛꠅ ꠀꠞ ꠎꠥꠖꠤꠘ ꠟꠣꠈ ꠜꠣꠟꠣ ꠕꠣꠇꠦꠘꠣ ꠔꠦꠔꠅ ꠢꠦ ꠁꠅ ꠇꠞꠛꠅ ꠗꠞꠣ ꠃꠞꠣ ꠈꠣꠁꠀ ꠎꠦꠟ-ꠛꠦꠟ ꠈꠣꠐꠤꠀ ꠢꠄꠔꠅ ꠢꠘꠅ ꠝꠞꠔꠅ ꠙꠣꠞꠦ ꠀꠞ ꠘꠣꠄ ꠀꠁꠔꠅ ꠙꠣꠞꠦ। ꠅꠃ ꠝꠣꠄ ꠇꠣꠘꠟꠣ ꠃꠘꠟꠣ ꠇꠣꠘ꠆ꠖꠤꠀ-ꠃꠘ꠆ꠖꠤꠀ ꠄꠈꠘ ꠀꠞ ꠇꠤꠔꠣ ꠇꠞꠛꠣ ꠀꠁꠟ꠆ꠟꠣ। ꠅꠃ ꠎꠦꠖꠤꠘ ꠝꠣ ꠀꠁꠟꠣ ꠔꠣꠞ ꠉꠦꠍꠔꠘꠦ ꠁꠅ ꠇꠞꠤ ꠄꠖꠤꠘ ꠅꠃ ꠔꠣꠞ ꠙꠥꠀ ꠀꠁꠍꠦ ꠛꠣꠠꠤꠔ। ꠀꠁꠀ ꠇꠣꠘ꠆ꠖꠦꠞ ꠞꠣꠘ꠆ꠖꠦꠞ ꠁꠅ ꠇꠞꠦꠞ।

ꠅꠘꠦ ꠢꠇꠟꠦ ꠇꠁꠟꠣ ꠎꠦꠘ ꠔꠥꠝꠤ ꠇꠣꠘ꠆ꠖꠅ ꠇꠦꠘꠦ ꠔꠥꠝꠣꠞ ꠝꠣ-ꠔꠅ ꠘꠣꠁ, ꠔꠥꠝꠣꠞ ꠝꠣ-ꠔꠅ ꠝꠣꠔꠅ ꠝꠣꠞꠣ ꠉꠦꠍꠁꠘ।ꠛꠥꠟꠦ ꠀꠝꠣꠞ ꠝꠣꠄ ꠀꠝꠣꠞꠦ ꠛꠤꠖꠦꠡ ꠙꠣꠑꠣꠁꠟꠣ ꠙꠣꠑꠣꠁꠀ ꠀꠞ ꠅꠈꠘ ꠀꠝꠣꠞ ꠝꠣ ꠛꠥꠎꠤꠘ ꠘꠣꠁ। ꠔꠦ ꠀꠝꠤꠉꠅ ꠝꠣꠁ ꠜꠣꠁ ꠅꠝꠟ ꠅꠟꠣ ꠀꠁꠍꠟꠣꠝ ꠀꠝꠣꠞꠦ ꠖꠤꠍꠤꠟ ꠎꠣꠟ ꠛꠤꠡꠣꠄ ꠀꠞ ꠄꠈꠘꠔꠅ ꠀꠝꠣꠞꠦ ꠗꠞꠤꠀ ꠀꠐꠇꠣꠁꠀ ꠀꠝꠣꠞꠦ ꠔꠤꠘ ꠝꠣꠡ ꠎꠦꠟ ꠇꠣꠐꠣꠁꠀ ꠀꠝꠤ ꠇꠥꠘꠔꠣ ꠁꠅ ꠇꠞꠔꠣꠝ ꠙꠣꠞꠍꠤꠘꠣ, ꠔꠥꠁꠔꠞꠦ ꠜꠣꠁ ꠈꠣꠁꠍꠍ ꠜꠣꠔ, ꠀꠝꠤꠔꠞꠦ ꠜꠣꠁ ꠄꠇ ꠡꠣꠙ꠆ꠔꠣꠞ ꠝꠣꠏꠦ ꠜꠣꠔ ꠇꠥꠘ ꠎꠤꠘꠤꠡ ꠀꠝꠤ ꠖꠦꠈꠍꠤꠘꠣ। ꠇꠁꠀꠃ ꠖꠥꠁꠅ ꠜꠣꠁꠄ ꠇꠣꠘ꠆ꠖꠣ ꠞꠣꠘ꠆ꠖꠣ ꠇꠞꠞꠣ ꠀꠞ ꠅꠈꠣꠘꠅ ꠁꠅ ꠇꠞꠤꠟꠤꠟꠣꠝ।