Bhai amar Bidash gala (Kasabi) (Story Part-I)

 

Bhai amar Bidash gala (Kasabi)(Story Part-I)

  

ꠀꠝꠣꠞ ꠘꠣꠝ ꠇꠣꠍꠣꠛꠤ ꠉ꠆ꠞꠣꠝ ꠙꠍ ꠙꠣꠠꠣ। ꠔ ꠀꠝꠞꠣ ꠉꠞꠤꠛ ꠀꠍꠟꠣꠝ। ꠉꠞꠤꠛ ꠕꠣꠇꠣ ꠡꠔ꠆ꠔꠦꠅ ꠅꠈꠘ ꠇꠤ ꠇꠣꠎ ꠇꠞꠤꠀ ꠈꠣꠁꠔꠣꠝ ꠇꠥꠘꠥ ꠇꠣꠎ ꠘꠣꠁ। ꠅꠘꠦ ꠝꠣꠄꠍ ꠝꠣꠘꠦ ꠇꠣꠄ ꠇꠣꠞꠛꠣꠞ ꠇꠞꠤꠀ ꠇꠣꠝ ꠇꠣꠎ ꠇꠞꠤꠀ ꠕꠥꠞꠣ ꠙꠄꠡꠣ ꠖꠤꠟꠣ। ꠔꠃ ꠙꠄꠡꠣꠞ ꠛꠤꠘꠤꠝꠄ ꠀꠝꠞꠣ ꠍꠥꠐ꠆ꠐꠅ ꠈꠣꠐ꠆ꠐꠅ ꠄꠇꠐꠣ ꠖꠥꠇꠣꠘ ꠖꠤꠟꠣꠝ।

 ꠔꠃ ꠖꠥꠇꠣꠘ ꠀꠝꠣꠞ ꠖꠥꠁ ꠜꠣꠁ ꠔ ꠖꠤꠟꠣꠝ ꠙꠣꠘꠞ ꠖꠥꠇꠣꠘ। ꠔꠦ ꠙꠣꠘꠞ ꠖꠥꠇꠣꠘ ꠖꠦꠅꠀꠞ ꠡꠣꠕꠦ ꠡꠣꠕꠦ ꠄꠈꠘ ꠔꠥꠞꠣ ꠔꠥꠞꠤ ꠞꠥꠎꠤ ꠅꠄ। ꠔꠃ ꠀꠘꠅꠁꠘ ꠔꠃ ꠈꠣꠁ। ꠔ ꠅꠔꠣ ꠇꠞꠤ ꠇꠞꠤ ꠀꠝꠞꠣ ꠛꠣꠇ꠆ꠇꠣ ꠎꠦꠝꠘ ꠄꠇꠐꠥꠇ ꠀꠄꠥꠎꠘ ꠇꠞꠤꠟꠤꠟꠣꠝ। ꠇꠞꠤꠀ ꠇꠁꠟꠣꠝ ꠜꠣꠁꠞꠦ ꠅꠜꠣꠁ! ꠔꠥꠝꠤꠔꠅ ꠍꠥꠐꠅ ꠔꠦ ꠄꠇ ꠇꠣꠝ ꠇꠞꠅ ꠔꠥꠝꠤ ꠄꠇꠐꠥꠇ ꠖꠥꠇꠣꠘꠐꠣꠞꠦ ꠛꠣꠠꠣꠅ। ꠇꠁꠟꠣ ꠀꠚꠣ ꠇꠤꠟꠣ ꠛꠣꠠꠣꠁꠝꠥ ꠇꠍꠣꠁꠘ। ꠛꠥꠟꠦ ꠅꠃ ꠖꠥꠇꠣꠘ ꠔꠣꠇꠤ ꠞꠦ ꠜꠣꠁ ꠀꠝꠞꠣ ꠇꠝ ꠇꠝ ꠈꠣꠁꠝꠥ ꠀꠞ ꠅꠃ ꠖꠥꠇꠣꠘ ꠔꠣꠇꠤ ꠔꠥꠝꠤ ꠀꠅꠎꠘ ꠇꠞꠅ ꠇꠞꠟꠦ ꠙꠞꠦ ꠖꠥꠇꠣꠘꠅ ꠛꠣꠠꠛꠅ ꠀꠞ ꠀꠝꠞꠣꠅ ꠈꠣꠁꠔꠦ ꠜꠣꠟꠣ ꠙꠣꠁꠝꠥ।

 ꠅꠃ ꠜꠣꠁꠄ ꠈꠞꠌ ꠇꠤꠍꠥ ꠇꠝꠣꠘꠤ ꠀꠞ ꠙꠄꠡꠣꠞꠦ ꠇꠤꠍꠥ ꠀꠅꠎꠘ ꠇꠞꠁꠘ। ꠅꠝꠟꠣ ꠇꠞꠤ ꠇꠞꠤ ꠎꠦꠝꠘ ꠛꠣꠇ꠆ꠇꠣ ꠛꠠꠅ ꠄꠇꠐꠣ ꠖꠥꠇꠣꠘ ꠖꠤꠟꠣ, ꠖꠦꠅꠀꠞ ꠙꠞꠦ ꠄꠈꠘ ꠟꠣꠉꠤ ꠉꠦꠟꠉꠤꠀ ꠀꠝꠞꠣꠞ ꠟꠉꠦ ꠛꠣꠖꠤ। ꠅꠘꠦ ꠖꠥꠡꠝꠘ ꠙꠣꠐꠤ ꠔꠣꠁꠀꠞ ꠅꠁꠉꠦꠟꠣꠉꠤ। ꠅꠀꠞ ꠙꠞꠦ ꠄꠈꠘ ꠜꠣꠁ ꠀꠁꠀ ꠙꠞꠔꠦꠇ ꠖꠤꠘꠅ ꠇꠁꠘ ꠅ ꠛꠁꠘ ꠅꠘꠦ ꠇꠤꠔꠣ ꠇꠞꠔꠣꠝ ꠔ ꠅꠈꠘ ꠔ ꠈꠣꠁꠀ ꠛꠣꠌꠔꠣꠝ ꠙꠣꠞꠔꠣꠝ ꠘꠣꠄ। ꠀꠝꠞꠣꠞ ꠟꠉꠦ ꠎꠦꠟꠣꠈꠣꠘ ꠁꠅ ꠟꠣꠉꠤꠉꠦꠍꠁꠘꠉꠤ।

 ꠀꠝꠤ ꠇꠁꠟꠣꠝꠞꠦ ꠜꠣꠁ ꠇꠤꠔꠣ ꠇꠞꠝꠥ ꠅꠘꠦ ꠇꠥꠘꠥ ꠝꠘꠔꠦ ꠔꠥꠝꠤ ꠖꠥꠇꠣꠘꠞ ꠁꠅ ꠐꠤꠇꠣꠁꠀ ꠞꠣꠈꠅ। ꠅꠔꠣ ꠇꠞꠤ ꠇꠞꠤ ꠀꠝꠞꠣꠞ ꠛꠣꠇ꠆ꠇꠣ ꠡꠝꠄ ꠉꠦꠟꠉꠤ। ꠎꠣꠅꠀꠞ ꠙꠞꠦ ꠅꠃ ꠖꠥꠡꠝꠘ ꠙꠣꠐꠤꠞꠦ ꠀꠔꠅ ꠞꠣꠈꠤ ꠞꠣꠈꠤ ꠝꠣꠘꠦ ꠌꠣ ꠄꠇ ꠇꠣꠙ ꠙꠣꠘ ꠄꠇꠐꠣ ꠈꠣꠛꠣꠁ ꠈꠣꠛꠣꠁꠀ ꠀꠝꠞꠣ ꠞꠣꠈꠟꠣꠝ। ꠞꠣꠈꠣ ꠡꠔ꠆ꠔꠦꠅ ꠅꠈꠘ ꠇꠤꠔꠣ ꠇꠞꠝꠥ ꠜꠣꠁ ꠄꠉꠥꠞꠦ ꠎꠦꠝꠘ ꠛꠤꠖꠦꠡ ꠖꠦꠅꠀꠞ ꠅꠘꠥꠝꠥꠔꠤ ꠘꠤꠟꠣꠝ। ꠎꠦꠘ ꠁꠔꠣ ꠇꠞꠤꠀ ꠉꠣꠃ ꠉꠦꠞꠣꠝꠅ ꠀꠝꠞꠣ ꠖꠥꠇꠣꠘ ꠖꠤꠀ ꠀꠝꠞꠣ ꠝꠣꠘ ꠡꠝ꠆ꠝꠣꠘ ꠛꠣꠌꠣꠁꠔꠣꠝ ꠙꠣꠞꠔꠣꠝ ꠘꠣꠄ ꠔꠦ ꠞꠦ ꠜꠣꠁ ꠄꠇ ꠇꠣꠝ ꠇꠞꠅ ꠄꠈꠘ ꠔꠥꠝꠣꠞꠦ ꠀꠝꠞꠣ ꠀꠞꠅ ꠗꠣꠞ ꠈꠞꠎ ꠇꠞꠤꠀ ꠐꠣꠘꠤ ꠐꠥꠘꠤ ꠀꠝꠒꠣ ꠛꠤꠖꠦꠡ ꠔꠥꠝꠣꠞꠦ ꠖꠤꠟꠣꠁ ꠔꠥꠝꠤ ꠛꠤꠖꠦꠡ ꠎꠣꠃꠉꠤ।

 ꠅꠘꠦ ꠜꠣꠁꠄ ꠇꠁꠟꠅ ꠉꠅ ꠛꠁꠘ ꠀꠝꠞꠣ ꠚꠣꠞꠣ ꠈꠦꠔꠣꠞ ꠔꠟꠦ ꠕꠣꠇꠤꠀ ꠟꠣꠈꠞ ꠡꠙꠘ ꠔ ꠖꠦꠈꠟꠦ ꠀꠝꠞꠣꠞ ꠇꠥꠘꠥ ꠇꠣꠝ ꠀꠁꠔꠅ ꠘꠣꠄ। ꠛꠥꠟꠦ ꠅ ꠜꠣꠁ ꠈꠞꠎꠖꠣꠞꠔꠅ ꠄꠇꠖꠤꠘ ꠝꠣꠞꠛꠣꠄ ꠁꠘꠡꠣꠀꠟ꠆ꠟꠣꠢ ꠔꠥꠝꠤ ꠎꠖꠤꠘ ꠎꠣꠃꠉꠤ ꠔꠦꠔꠅ ꠀꠝꠞꠣ ꠈꠣꠁꠔꠣꠝꠅ ꠙꠣꠞꠝꠥ ꠡꠥꠈꠅ ꠔꠣꠇꠔꠣꠝꠅ ꠙꠣꠞꠝꠥ ꠔ ꠀꠞ ꠈꠞꠎ ꠇꠥꠘꠥ ꠕꠣꠇꠛꠘꠤ, ꠈꠞꠎꠔꠅ ꠀꠞ ꠕꠣꠇꠔꠘꠣꠄ, ꠔꠦ ꠁꠔꠣ ꠀꠡ꠆ꠔꠦ ꠀꠡ꠆ꠔꠦ ꠝꠣꠞꠝꠥꠘꠦ। ꠅꠔꠣ ꠇꠞꠤ ꠇꠞꠤ ꠇꠁꠟꠅ ꠘꠣꠉꠅ ꠛꠁꠘ ꠎꠣꠅ ꠀꠝꠞꠣꠞ ꠛꠤꠐꠣ ꠝꠣꠐꠤ ꠄꠇꠎꠦꠞꠣ ꠀꠍꠦ ꠁꠇꠘꠣꠁꠘ ꠎꠥꠖꠤꠘ ꠔꠥꠟꠤꠀ ꠀꠞ ꠄꠈꠘ ꠀꠝꠤ ꠛꠤꠖꠦꠡ ꠎꠣꠁꠉꠤ ꠀꠞ ꠛꠤꠖꠦꠡ ꠉꠤꠀ ꠀꠝꠤ ꠇꠥꠘꠥ ꠗꠞꠣ ꠃꠞꠣ ꠈꠣꠁꠟꠣꠁ ꠔꠦꠔꠅꠉꠅ ꠛꠁꠘ ꠀꠝꠒꠣꠞ ꠅꠃ ꠇꠥꠟꠅ ꠉꠦꠟꠅ ꠢꠣꠃ ꠇꠥꠟꠅ ꠉꠦꠟꠅ।

 ꠛꠥꠟꠦ ꠅ ꠜꠣꠁ ꠔꠥꠝꠤ ꠀꠉꠦ ꠛꠣꠉꠦ ꠔꠥꠝꠤ ꠁ ꠝꠣꠔ ꠝꠣꠔꠤꠅꠘꠣ, ꠔꠥꠝꠤ ꠎꠦꠘꠦ ꠎꠣꠁꠛꠣꠄ ꠀꠞ ꠁꠇꠣꠘ ꠅꠁꠛꠅ, ꠁꠇꠣꠘ ꠔꠥꠝꠤ ꠇꠟꠙꠘꠣꠔꠅ ꠇꠞꠤꠅꠘꠣ। ꠔꠥꠝꠤ ꠀꠟ꠆ꠟꠣꠞ ꠃꠙꠞꠦ ꠜꠣꠞ ꠖꠦꠃ, ꠖꠤꠀ ꠔꠥꠝꠤ ꠎꠣꠃ। ꠜꠤꠡꠣ ꠄꠇꠐꠣ ꠀꠝꠒꠣ ꠀꠘꠤꠀ ꠀꠘꠝꠥ, ꠀꠘꠤꠀ ꠔꠥꠝꠣꠞꠦ ꠖꠤꠟꠣꠁꠝꠥ। ꠇꠁꠘ ꠀꠁꠌ꠆ꠍꠣ ꠔꠥꠝꠞꠣ ꠢꠇꠟꠦ ꠎꠦꠛꠟꠣ ꠀꠝꠣꠞꠦ ꠁꠅ ꠇꠞ꠆ꠞꠣꠄ ꠔꠦ ꠁꠅ ꠎꠣꠁꠝꠥꠉꠤ। ꠅꠃ ꠜꠣꠁꠞ ꠝꠔ ꠅꠁꠟꠅ ꠜꠣꠁꠞꠦ ꠛꠤꠖꠦꠡ ꠖꠤꠟꠣꠝ। ꠄꠈꠘ ꠛꠤꠖꠦꠡ ꠎꠦꠘꠅ ꠖꠤꠔꠣꠝ ꠀꠝꠞꠣ ꠀꠉꠦ ꠅꠔꠅꠈꠣꠘ ꠌꠤꠘ꠆ꠔꠣ ꠗꠣꠞꠣ ꠇꠞꠍꠤꠘꠣ।ꠜꠤꠡꠣꠐꠣ ꠎꠦꠘꠅ ꠀꠝꠞꠣ ꠀꠘꠟꠣꠝ ꠁꠐꠣ ꠜꠣꠟꠣ ꠜꠤꠡꠣ ꠀꠘꠟꠣꠝꠘꠤ ꠛꠣꠖ ꠜꠤꠡꠣ ꠀꠘꠟꠣꠝꠘꠤ ꠁꠇꠣꠘ ꠀꠝꠞꠣ ꠔꠔꠘ꠆ꠔ ꠘꠤꠍꠤꠘꠣ। ꠘꠣ ꠘꠤꠀ ꠜꠣꠁꠞꠦ ꠎꠣꠟ ꠛꠤꠡꠣꠄ ꠛꠤꠖꠦꠡ ꠙꠣꠐꠣꠁ ꠖꠤꠍꠤ। ꠜꠣꠁ ꠎꠦ ꠝꠥꠢꠥꠞꠔꠦ ꠉꠤꠀ ꠛꠤꠖꠦꠡ ꠙꠃꠍꠤ ꠉꠦꠍꠁꠘꠉꠤ, ꠅꠃ ꠝꠥꠢꠥꠞꠔꠦꠃ ꠗꠞꠤꠀ ꠔꠣꠞꠦ ꠎꠦꠟꠅ ꠢꠣꠞꠣꠁ ꠖꠤꠍꠁꠘ। ꠄꠈꠘꠔꠅ ꠜꠣꠁꠞ ꠈꠥꠎꠅ ꠘꠣꠁ ꠜꠣꠁꠞ ꠌꠤꠑꠤ ꠙꠔꠞꠅ ꠘꠣꠁ ꠀꠝꠞꠣ ꠁꠘꠅ ꠅꠘꠦ ꠀꠉꠦ ꠎꠦꠛꠦꠟꠣ ꠈꠣꠁꠍꠟꠣꠝ ꠜꠣꠟꠣ ꠕꠣꠇꠍꠤꠟꠣꠝ ꠄꠈꠘꠔꠅ ꠀꠞꠅ ꠛꠣꠖ।

 ꠄꠈꠘ ꠇꠣꠝ ꠇꠞꠤ ꠀꠝꠞꠣꠞ ꠜꠣꠔ ꠀꠞ, ꠎꠥꠐꠦꠘꠣ। ꠄꠈꠘꠔꠅ ꠢꠣꠄ ꠢꠣꠄ ꠇꠞꠤ। ꠇꠞꠔꠦ ꠇꠞꠔꠦꠔꠅ ꠀꠝꠞꠣꠞ ꠁꠅ ꠉꠦꠟꠉꠤ। ꠄꠈꠘ ꠀꠝꠣꠞ ꠀꠝ꠆ꠝꠣꠄ ꠇꠁꠘ ꠅ ꠛꠦꠐꠤ ꠔꠥꠝꠞꠣ ꠎꠦꠘꠅ ꠢꠇꠟꠦ ꠖꠤꠟꠣꠄ, ꠖꠤꠀ ꠅꠈꠘ ꠀꠝꠣꠞ ꠙꠥꠀꠉꠥꠅ ꠇꠥꠀꠁꠟꠣꠝ ꠅꠘꠦ ꠃꠙꠣꠡ ꠇꠞꠤꠀ ꠀꠝꠞꠣ ꠝꠒꠒꠣꠝ। ꠅꠈꠘꠇꠥ ꠀꠝꠞꠣꠞ ꠅꠛꠡ꠆ꠕꠣꠐꠣ ꠇꠤꠔꠣ ꠅꠁꠔꠅ। ꠛꠥꠟꠦꠉꠅ ꠝꠣꠁ ꠅꠘꠦ ꠇꠤꠔꠣ ꠇꠞꠝꠥ, ꠖꠤꠍꠟꠣꠝ ꠜꠣꠟꠣ ꠈꠣꠁꠛꠣꠄ ꠕꠣꠇꠔꠣꠝ ꠜꠣꠟꠣ ꠌꠟꠔꠣꠝ, ꠀꠞ ꠄꠈꠘ ꠎꠦꠘ ꠉꠤꠀ ꠀꠝꠞꠣꠞꠦ ꠄꠝꠘ ꠜꠥꠟꠣ ꠜꠥꠟ꠆ꠟꠅ ꠀꠝꠞꠣ ꠔꠈꠘ ꠁꠅ ꠇꠞꠞꠣꠝꠘꠣ, ꠔꠦ ꠎꠦ ꠛꠦꠐꠣꠄ ꠘꠤꠍꠤꠟ ꠅꠃ ꠛꠦꠐꠣꠞꠦ ꠗꠞꠣꠞ ꠇꠣꠝ, ꠅꠃ ꠛꠦꠐꠣꠞ ꠉꠦꠍꠦ ꠀꠝꠞꠣ ꠎꠣꠁ।

 ꠅꠘꠦ ꠇꠁꠟꠅ ꠎꠦꠘ ꠁ ꠛꠦꠐꠣꠞ ꠉꠦꠍꠦ ꠉꠤꠀ ꠛꠦꠐꠣꠄ ꠇꠤꠔꠣ ꠇꠞꠛꠅ, ꠛꠥꠟꠦ ꠛꠦꠐꠣꠄ ꠉꠦꠍꠦꠔꠅ ꠀꠝꠞꠣ ꠎꠣꠘꠔꠣꠝ ꠙꠣꠞꠝꠥ ꠢꠦ ꠛꠦꠐꠣꠄ ꠇꠥꠘ ꠃꠍꠤꠟ꠆ꠟꠣꠄ ꠖꠤꠟꠅ ꠛꠣ ꠇꠥꠘ ꠃꠍꠤꠟ꠆ꠟꠣꠄ ꠁꠅ ꠇꠇꠞꠟꠅ ꠁꠇꠣꠘꠔꠅ ꠀꠝꠞꠣ ꠎꠣꠘꠔꠣꠝ ꠙꠣꠞꠝꠥ।ꠝꠣꠄ ꠘꠣ ꠇꠞꠁꠘ, ꠇꠁꠘ ꠘꠣꠢ ꠎꠣꠁꠔꠣꠝꠘꠣꠄ ꠀꠝꠤ ꠎꠣꠁꠔꠣꠝꠘꠣꠄ ꠔꠥꠝꠞꠣ ꠖꠤꠍꠅ ꠔꠥꠝꠞꠣ ꠎꠣꠅ। ꠅꠃ (5.03) ꠇꠞꠤꠀ ꠄꠇꠖꠤꠘ ꠔꠣꠞ ꠛꠁꠘꠦ ꠉꠦꠟꠅ, ꠉꠤꠀ ꠇꠁꠟꠅ ꠎꠦꠘꠦ ꠀꠝꠣꠞ ꠙꠥꠀꠞꠦ ꠎꠦꠘꠦ ꠛꠣ ꠔꠥꠝꠤ ꠛꠤꠖꠦꠡ ꠖꠤꠟꠣꠄ ꠛꠤꠖꠦꠡꠞ ꠇꠥꠘꠥ ꠇꠣꠉꠎ ꠙꠔꠞꠅ ꠔꠥꠝꠣꠞ ꠉꠦꠍꠦ ꠀꠍꠦꠘꠤ ꠔꠣꠇꠟꠦ ꠀꠝꠞꠣꠞꠦ ꠖꠦꠅ, ꠀꠞ ꠇꠥꠘꠥ ꠑꠣꠄ ꠑꠤꠇꠣꠘꠣ ꠕꠣꠇꠟꠦ ꠀꠝꠞꠣꠞꠦ ꠖꠦꠅ। ꠀꠝꠞꠣꠞ ꠙꠥꠀꠔꠅ ꠉꠦꠟꠅ, ꠀꠝꠣꠞ ꠜꠣꠁꠔꠅ ꠉꠦꠟꠅ ꠉꠤꠀ ꠄꠈꠘꠔꠅ ꠄꠈꠣꠘ ꠁꠅ ꠖꠤꠟꠘꠣ ꠌꠤꠑꠤ ꠙꠔꠞꠅ ꠖꠤꠟꠘꠣ ꠛꠣ ꠈꠥꠎ ꠈꠛꠞ ꠀꠝꠞꠣ ꠙꠣꠁꠞꠣꠝꠘꠣ। ꠛꠥꠟꠦ ꠔꠥꠝꠣꠞ ꠁꠅ ꠇꠤꠔꠣ ꠇꠣꠉꠎ ꠇꠤꠔꠣ ꠄꠈꠣꠘꠅ ꠖꠦꠄꠘꠤ, ꠇꠣꠉꠎꠔꠅ ꠔꠤꠘꠈꠣꠘ ꠖꠦꠄ ꠀꠝꠞꠣ ꠔꠤꠘꠅꠈꠣꠘ ꠖꠤꠀ ꠖꠤꠟꠣꠁꠍꠤ।

ꠛꠥꠟꠦ ꠘꠣꠞꠦꠛꠣ ꠇꠣꠉꠎ ꠀꠍꠦ ꠔꠥꠝꠣꠔꠣꠘꠞ ꠉꠦꠍꠦ ꠔꠥꠝꠤꠔꠣꠁꠘ ꠀꠝꠣꠞꠦ ꠄꠇꠎꠦꠞꠣ ꠁꠅ ꠖꠅ। ꠛꠥꠟꠦ ꠘꠣ ꠘꠣ ꠅꠘꠦ ꠁꠅ ꠘꠣꠃꠔꠣꠝꠤ ꠝꠣꠔ ꠝꠣꠔꠞꠣꠄ ꠁꠔꠣ ꠇꠣꠉꠎ ꠙꠔꠞꠅ ꠇꠥꠘꠔꠣꠃ ꠘꠣꠁ। ꠅꠔꠣ ꠇꠞꠤꠀ ꠀꠁꠟ꠆ꠟꠣꠝ ꠁꠅ ꠇꠞꠤ। ꠛꠥꠟꠦ ꠅꠃ, ꠀꠅꠀꠞ ꠙꠞꠦ ꠀꠅꠀꠞ ꠡꠝꠄ ꠇꠁꠀ ꠀꠁꠞꠣꠝ ꠛꠥꠟꠦ ꠎꠥꠖꠤꠘ ꠀꠝꠣꠞ ꠜꠣꠁ ꠗꠞꠣ ꠃꠞꠣ ꠈꠣꠄ ꠀꠞ ꠛꠤꠖꠦꠡꠞ ꠝꠣꠐꠤꠔ ꠇꠥꠘꠥ ꠁꠃꠅ ꠇꠞꠦ ꠔꠦ ꠝꠔꠤꠟ ꠔꠥꠝꠣꠔꠣꠘꠞꠦ ꠀꠝꠞꠣ ꠎꠦꠟꠞ ꠜꠣꠔ ꠈꠣꠛꠣꠁꠝꠥ ꠛꠣ ꠎꠦꠟꠅ ꠘꠤꠀ ꠙꠃꠍꠣꠁꠀ ꠖꠤꠝꠥ। ꠀꠘꠟꠣ ꠀꠝꠒꠣꠞꠦ ꠎꠣꠟ ꠜꠤꠡꠣ ꠖꠤꠍꠅ ꠎꠣꠟ ꠙꠣꠡꠙꠥꠐ ꠖꠤꠍꠅ ꠖꠤꠀ ꠀꠝꠣꠞ ꠜꠣꠁꠞꠦ ꠛꠤꠖꠦꠡ ꠖꠤꠍꠅ ꠖꠤꠀ ꠄꠈꠘ ꠀꠝꠞꠣꠞ ꠇꠥꠘꠥ ꠌꠤꠑꠤ ꠙꠔꠞꠅ ꠘꠣꠁ, ꠀꠝꠞꠣꠞ ꠇꠥꠎ ꠈꠛꠞꠅ ꠘꠣꠁ, ꠀꠝꠣꠞ ꠜꠣꠁ ꠀꠍꠦ ꠇꠤꠘꠣ ꠀꠍꠦ ꠔꠣꠅ ꠀꠝꠞꠣ ꠈꠛꠞ ꠙꠣꠁꠞꠣꠝꠘꠣ। ꠔꠥꠝꠤ ꠁꠅ ꠇꠞꠅ, ꠇꠄ ꠘꠣ ꠘꠣ ꠁꠔꠣ ꠛꠄꠟꠣ ꠉꠣꠘ ꠀꠝꠣꠞ ꠉꠦꠍꠦ ꠉꠣꠁꠅꠘꠣ, ꠁꠔꠣ ꠢꠞꠅ, ꠢꠞꠤꠀ ꠎꠣꠅ। ꠛꠥꠟꠦ ꠁꠇꠐꠣ ꠛꠄꠟꠣ ꠅꠁꠟꠅ ꠇꠤꠟꠣꠈꠣꠘ। ꠀꠝꠣꠞ ꠜꠣꠁꠞꠦꠖꠤ ꠔꠥꠝꠤ ꠖꠤꠟꠣꠄ ꠀꠝꠞꠣ ꠐꠦꠇꠣ ꠖꠤꠟꠣꠝ ꠀꠝꠞꠣꠞ ꠛꠣꠠꠤ ꠊꠞ ꠎꠣꠉꠣ ꠛꠤꠟꠣꠡ ꠛꠦꠌꠤꠀ ꠖꠤꠟꠣꠝ ꠖꠤꠀ ꠔꠥꠝꠣꠞꠦ ꠐꠦꠇꠣ ꠖꠤꠟꠣꠝ ꠖꠤꠀ ꠄꠈꠘ ꠅꠈꠘ ꠇꠁꠞꠣꠄ ꠛꠄꠟꠣꠉꠣꠘ।