Ak gorib beti

ꠄꠇ ꠉꠞꠤꠛ ꠛꠦꠐꠤ

 

ꠄꠇ ꠛꠦꠐꠤꠔ ꠉꠞꠤꠛ ꠔ ꠛꠦꠐꠤ ꠉꠞꠤꠛ ꠛꠦꠐꠤꠞ ꠇꠤꠔꠣ ꠇꠞꠔ ꠄꠈꠛꠣꠞꠦ ꠉꠞꠤꠛ ꠛꠦꠐꠤ। ꠀꠞ ꠛꠣꠖꠡꠣꠢꠞ ꠔ ꠗꠘ ꠀꠍꠦ ꠅꠘꠦ ꠖꠘ ꠕꠣꠈꠣꠞ ꠙꠞꠦ। ꠛꠦꠡꠤ ꠗꠘ ꠛꠣꠖꠡꠣꠢꠞ ꠔ ꠛꠣꠖꠡꠣꠢꠦ ꠡꠇꠟꠞꠦ ꠡꠣꠄ ꠡꠣꠎꠅ ꠇꠞꠁꠘ। ꠅꠘꠦ ꠛꠦꠐꠤꠄ ꠛꠦꠐꠤꠞ ꠎꠣꠝꠣꠁꠞꠦ ꠒꠦꠁꠟꠤ ꠇꠄ ꠔꠥꠝꠤ ꠎꠣꠃ ꠔꠥꠝꠤ ꠎꠣꠃꠘꠣ ꠇꠦꠘꠦ ꠉꠤꠀ ꠛꠣꠖꠡꠣꠢꠞ ꠛꠣꠠꠤꠔ ꠉꠦꠟꠦ ꠛꠣꠖꠡꠣꠢꠞ ꠐꠣꠘ ꠈꠥꠎꠟꠦ ꠛꠣꠖꠡꠣꠢꠦ ꠡꠇꠟꠞꠦ ꠖꠦꠁꠘ ꠀꠝꠒꠣꠞꠦꠅ ꠖꠤꠛꠣ। ꠔꠦ ꠀꠝꠞꠣꠔꠅ ꠃꠙꠣꠡ ꠝꠞꠤ ꠎꠣꠁꠞꠣꠝꠉꠤ ꠅꠔꠖꠤꠘ ꠗꠞꠤ ꠃꠙꠣꠡ ꠇꠞꠔꠦ ꠇꠞꠔꠦ ꠎꠣꠘ ꠛꠣꠌꠦꠞ ꠘꠣ । ꠅꠘꠦ ꠒꠦꠁꠟꠤ ꠛꠦꠐꠤꠄ ꠛꠦꠐꠣꠞꠦ ꠇꠄ ꠀꠞ ꠛꠦꠐꠣꠄ ꠛꠦꠐꠤꠞꠦ ꠇꠄ ꠎꠦ ꠁꠟꠣ ꠎꠣꠁꠔꠣꠝ ꠇꠤꠟꠣ ꠛꠥꠞꠦ ꠎꠣꠅ ꠉꠦꠞꠦ ꠅꠁꠛ ꠅꠘꠦ ꠛꠦꠐꠣ ꠀꠡ꠆ꠔꠦ ꠀꠡ꠆ꠔꠦ ꠙꠕ ꠖꠤꠍꠦ ꠙꠕ ꠖꠤꠀ ꠉꠦꠍꠦ ꠛꠣꠖꠡꠣꠢꠞ ꠛꠣꠠꠤꠔ। ꠛꠦꠐꠣꠞ ꠢꠥꠞꠥꠔ꠆ꠔꠣ ꠔꠤꠘꠉꠥ ꠃꠙꠣꠡ ꠕꠁꠀ ꠀꠐꠤ ꠀꠐꠤ ꠙꠕ ꠖꠤꠍꠦ । ꠛꠣꠖꠡꠣꠢꠞ ꠛꠣꠠꠤꠔ ꠉꠦꠍꠦ ꠉꠤꠀ ꠛꠣꠖꠡꠣꠢꠞꠦ ꠎꠤꠇꠣ ꠇꠞꠍꠦ ꠎꠦ ꠛꠣꠖꠡꠣꠢ ꠇꠁ ?

ꠅꠘꠦ ꠛꠦꠐꠤꠄ ꠇꠁꠍꠁꠘ ꠛꠣꠖꠡꠣꠢ ꠔ ꠝꠡꠎꠤꠖꠅ ꠅꠘꠦ ꠛꠦꠐꠣ ꠀꠡ꠆ꠔꠦ ꠀꠡ꠆ꠔꠦ ꠛꠦꠐꠣꠞ ꠊꠞꠅ ꠀꠟ꠆ꠟꠣꠞ ꠞꠢꠝꠔꠞ ꠇꠤꠌ꠆ꠍꠥ ꠘꠣꠁ ꠀꠞꠇꠤ ꠅꠘꠦ ꠛꠦꠐꠣ ꠀꠡ꠆ꠔꠦ ꠀꠡ꠆ꠔꠦ ꠎꠣꠁꠔꠦ ꠎꠣꠁꠔꠦ ꠉꠦꠍꠦ ꠝꠡꠎꠤꠖꠅ ꠅꠘꠦ ꠝꠡꠎꠤꠖꠅ ꠉꠤꠀ ꠢꠣꠝꠣꠁꠍꠦ। ꠢꠣꠝꠣꠁꠀ ꠖꠦꠈꠦ ꠛꠦꠐꠣꠄ ꠛꠣꠖꠡꠣꠄ ꠈꠥꠎꠞꠣ ꠀꠟ꠆ꠟꠣꠞ ꠉꠦꠍꠦ ꠎꠦ ꠀꠟ꠆ꠟꠣ ꠀꠝꠣꠞꠦ ꠎꠣ ꠗꠘ ꠖꠤꠍꠅ ꠀꠞꠅ ꠖꠦꠄ ꠀꠞꠅ ꠝꠣꠁꠘꠡꠞꠦ ꠖꠦꠁ ꠀꠞꠅ ꠝꠣꠁꠘꠡꠞꠦ ꠇꠣꠛꠣꠁ ꠀꠞꠅ ꠛꠤꠟꠣꠡꠤꠔꠣ ꠇꠞꠤ। ꠅꠘꠦ ꠛꠦꠐꠣꠄ ꠌꠤꠘ꠆ꠔꠣ ꠜꠣꠛꠘꠣ ꠇꠞꠟꠅ ꠎꠦ ꠀꠝꠤ ꠛꠣꠖꠡꠣꠢꠞ ꠐꠣꠁꠘ ꠈꠥꠎꠔꠣꠝ ꠅꠘꠦ ꠛꠣꠖꠡꠣꠢꠦ ꠈꠥꠎꠞꠣ ꠀꠞꠈꠎꠘꠞ ꠉꠦꠍꠦ। ꠔꠦ ꠀꠞ ꠀꠝꠤ ꠛꠣꠖꠡꠣꠢ ꠞꠐꠣꠘ ꠘꠣ ꠈꠥꠎꠤꠀ ꠀꠝꠤꠅ ꠢꠦꠘ ꠉꠦꠍꠦ ꠈꠥꠎꠤ ꠈꠥꠎꠟꠦ ꠖꠦꠈꠝꠥ ꠀꠝꠣꠞ ꠃꠙꠣꠄ ꠅꠁꠘꠤ।

ꠅꠘꠦ ꠔꠣꠁꠘꠅ ꠅꠎꠥ ꠃꠎꠥ ꠙꠞꠍꠁꠘ ꠙꠞꠤꠀ ꠔꠣꠁꠘ ꠘꠝꠣꠎ ꠃꠝꠣꠎ ꠙꠞꠍꠁꠘ। ꠙꠞꠤꠀ ꠔꠣꠁꠘ ꠎꠥꠢꠞꠞ ꠐꠣꠁꠝ ꠎꠥꠢꠞꠞ ꠅꠇ꠆ꠕꠅ ꠘꠝꠣꠎ ꠙꠞꠤꠀ ꠔꠣꠁꠘꠅ ꠀꠟ꠆ꠟꠣꠞ ꠉꠦꠍꠦ ꠛꠣꠖꠡꠣꠢꠦ ꠎꠦꠟꠣ ꠈꠥꠎꠞꠣ ꠅꠝꠔꠘ ꠔꠣꠁꠘꠅ ꠈꠥꠎꠣ ꠀꠞꠝ꠆ꠜ ꠇꠞꠍꠁꠘ। ꠈꠥꠎꠤꠀ ꠔꠣꠘ ꠖꠤꠘ ꠎꠦꠘꠅ ꠎꠣꠞ ꠁꠔꠐ ꠇꠁꠔꠦ ꠢꠣꠞ꠆ꠞꠣꠘꠣ ꠀꠞꠛꠣꠞ ꠀꠍꠞꠦꠞ ꠐꠣꠁꠝ ꠀꠁꠍꠦ ꠀꠍꠞꠦꠞ ꠘꠣꠝꠣꠎ ꠙꠞꠤ ꠢꠃ ꠈꠥꠎꠞꠣ ꠀꠞꠛꠣꠞ ꠝꠣꠉꠞꠤꠛꠅꠞ ꠐꠣꠁꠝ ꠀꠁꠍꠦ ꠝꠣꠉꠞꠤꠛꠞ ꠘꠣꠝꠣꠎ ꠙꠞꠤꠅ ꠀꠟ꠆ꠟꠣꠞ ꠉꠦꠍꠦ ꠈꠥꠎꠞꠣ ꠔ ꠀꠞꠛꠣꠞ ꠄꠡꠣꠞ ꠐꠣꠁꠝ ꠀꠁꠍꠦ ꠄꠡꠣꠞ ꠘꠣꠝꠣꠎ ꠙꠞꠤꠀꠅ ꠔꠣꠁꠘ ꠀꠟ꠆ꠟꠣꠞ ꠉꠦꠍꠦ ꠈꠥꠎꠞꠣ।

 ꠀꠞ ꠛꠣꠖꠡꠣꠄ ꠈꠥꠎꠤ ꠃꠎꠤ ꠘꠝꠣꠎ ꠙꠞꠤ ꠔꠣꠁꠘ ꠀꠁꠌ꠆ꠍꠁꠘ ꠅꠘꠦ ꠛꠦꠐꠣꠄ ꠀꠞ ꠌꠣꠞꠘꠣ ꠎꠦ ꠛꠣꠖꠡꠣꠢꠞ ꠐꠣꠘ ꠈꠥꠎꠔ ꠇꠞꠤ। ꠛꠣꠖꠡꠣꠢꠦ ꠔ ꠀꠞꠇꠎꠘꠞ ꠉꠦꠍ ꠕꠣꠈꠤ ꠈꠥꠎꠤꠀ ꠀꠘꠅꠁꠘ ꠔꠦ ꠀꠝꠤꠅ ꠢꠃ ꠎꠣꠉꠣꠔ ꠈꠥꠎꠤ ꠅꠘꠦ ꠄꠡꠣꠞ ꠘꠣꠝꠣꠎ ꠙꠞꠤꠀ ꠔꠣꠁꠘ ꠈꠥꠎꠣ ꠀꠞꠝ꠆ꠜ ꠈꠞꠍꠁꠘ।

ꠚꠎꠞꠞ ꠐꠣꠁꠝ ꠀꠁꠌ꠆ꠍꠦ ꠅꠘꠦ ꠚꠎꠞꠦꠞ ꠘꠝꠣꠎ ꠙꠞꠍꠁꠘ ꠙꠞꠤꠀ ꠔꠣꠁꠘ ꠀꠞꠛꠣꠞ ꠈꠥꠎꠤꠀ ꠛꠣꠇ꠆ꠇꠣ ꠛꠦꠁꠟ ꠅꠁꠉꠦꠍꠦ ꠅꠘꠦ ꠔꠣꠘ ꠌꠤꠘ꠆ꠔꠣ ꠀꠁꠍꠦꠎꠦ ꠀꠝꠣꠞ ꠛꠃ ꠢꠞꠥꠔꠣ ꠇꠣꠟꠇꠦ ꠕꠁꠀ ꠀꠁꠍꠤ ꠃꠙꠣꠡ ꠀꠞ ꠀꠝꠤꠔ ꠈꠥꠎꠞꠣꠝ ꠛꠣꠖꠡꠣꠢꠦ ꠈꠥꠎꠁꠘ ꠄꠇꠛꠣꠞ ꠀꠞ ꠀꠝꠤꠔ ꠈꠥꠎꠔꠦ ꠈꠥꠎꠔꠦ ꠙꠣꠌꠛꠣꠞꠅ ꠈꠥꠎꠍꠤ । ꠔ ꠀꠝꠣꠞꠦ ꠎꠈꠁꠘ ꠖꠦꠁꠘꠘꠣ ꠔꠦ ꠀꠞ ꠎꠣꠁꠀꠞꠉꠤ ꠈꠥꠎꠞꠣꠝ ꠎꠈꠘ ꠙꠣꠁꠟꠣꠝ ꠘꠣ ꠔꠦ ꠛꠣꠖꠡꠣꠢꠞ ꠉꠦꠍꠦꠅ ꠈꠎꠍꠤ ꠘꠣ।

ꠛꠣꠖꠡꠣꠢꠦ ꠈꠥꠎꠤꠀ ꠀꠘꠛꠣ ꠔꠣꠘ ꠐꠣꠁꠘ ꠈꠥꠎꠔꠣꠝ ꠇꠦꠘꠦ ꠔꠦ ꠀꠝꠤ ꠀꠝꠣꠞ ꠢꠦꠘ ꠐꠣꠁꠘ ꠈꠥꠎꠍꠤ ꠖꠤꠟꠦ ꠖꠤꠛꠣ ꠘꠣꠁꠟꠦ ꠘꠣ । ꠅꠘꠦ ꠛꠦꠐꠣꠄ ꠇꠤꠔꠣ ꠇꠞꠍꠦ ꠀꠡ꠆ꠔꠦ ꠀꠡ꠆ꠔꠦ ꠛꠣꠠꠤꠛꠣꠄ ꠙꠕ ꠖꠤꠞꠣꠁꠍꠦ ꠔ ꠛꠣꠠꠤꠔ ꠎꠦꠔꠇꠥ ꠙꠔ ꠖꠤꠍꠦ ꠀꠈꠔꠣ ꠛꠦꠐꠣ ꠀꠁꠟꠦꠖꠤ ꠀꠞ ꠛꠦꠐꠣꠞ ꠙꠣꠃ ꠙꠤꠁꠍꠇꠤ ꠉꠦꠍꠦ। ꠙꠤꠍꠇꠤꠀ ꠎꠝꠤꠘꠦꠖꠤ ꠛꠦꠐꠣꠞ ꠙꠣꠃ ꠢꠣꠝꠣꠁ ꠉꠦꠍꠦ ꠄꠈꠐꠣ ꠒꠦꠉꠞ ꠜꠤꠔꠞꠦ ꠙꠦꠇꠞ ꠝꠣꠏꠦ। ꠅꠘꠦ ꠢꠣꠝꠣꠁꠀ ꠛꠦꠐꠣꠄ ꠇꠤꠔꠣ ꠇꠞꠍꠦ ꠅꠃ ꠢꠣꠔꠖꠤ ꠀꠔꠣꠁꠀ ꠈꠥꠖꠣꠔ ꠟꠣꠉꠤꠉꠦꠍꠦ ꠛꠦꠐꠣꠄ ꠙꠣꠃ ꠛꠣꠞꠇꠞꠔ ꠄꠛꠟꠣ ꠛꠦꠐꠣꠄ ꠖꠦꠈꠦ ꠎꠦ ꠖꠥꠁꠐꠣ ꠒꠦꠉꠞ ꠝꠣꠏꠦ ꠢꠤꠞꠣ ꠝꠥꠇ꠆ꠔꠣ ꠡꠥꠘꠣ ꠉꠄꠘꠣ ꠡꠛꠔꠣ।

ꠅꠘꠦ ꠀꠔꠣꠄ ꠎꠔꠅ ꠅꠘꠦ ꠔꠤꠘꠐꠣ ꠒꠦꠉ ꠙꠣꠁꠍꠦ ꠄꠈꠐꠣ ꠄꠈꠐꠣ ꠇꠞꠤ ꠔꠤꠘꠐꠣ ꠒꠦꠉ ꠙꠣꠁꠍꠦ ꠙꠣꠁꠀ ꠛꠦꠐꠣꠄ ꠇꠄ ꠇꠄ ꠘꠣ ꠀꠝꠣꠞꠦ ꠔ ꠀꠟ꠆ꠟꠣꠄ ꠖꠤꠟꠦ ꠄꠈꠐꠣ ꠖꠤꠔꠣ ꠔꠦ ꠅꠘꠦ ꠖꠦꠈꠤ ꠔꠤꠘꠐꠣ। ꠔꠦ ꠝꠘꠦ ꠢꠄ ꠁ ꠔꠤꠘꠐꠣ ꠀꠞꠅ ꠔꠤꠘ ꠎꠘꠅꠞ ꠘꠣꠢ ꠀꠝꠤ ꠁꠉꠥꠁꠘ ꠘꠤꠔꠣꠝ ꠘꠣꠄ ꠀꠟ꠆ꠟꠣꠄ ꠖꠤꠟꠦ ꠀꠝꠣꠞꠦ ꠊꠞꠅ ꠘꠤꠀ ꠖꠤꠛꠣ। ꠅꠘꠦ ꠔꠤꠘꠐꠣ ꠎꠈꠘ ꠔꠦ ꠁꠉꠥꠁꠘ ꠀꠞꠅ ꠔꠤꠘꠎꠘꠞ ꠀꠝꠣꠞꠦ ꠖꠤꠟꠦ ꠄꠉꠥ ꠖꠤꠞꠣ ꠅꠘꠦ ꠄꠉꠥ ꠈꠞꠤ ꠁ ꠔꠤꠘꠐꠣ ꠀꠝꠤ ꠘꠤꠔꠣꠝ ꠘꠣꠄ ꠒꠞꠣꠁ ꠉꠦꠍꠦ ꠛꠦꠐꠣ ꠒꠞꠣꠁꠀ ꠁꠉꠥꠁꠘ ꠎꠣꠉꠣꠔ ꠞꠁꠍꠦ। ꠞꠁꠀ ꠛꠦꠐꠣ ꠛꠣꠠꠤꠔ ꠉꠦꠍꠦꠉꠤ ꠅꠘꠦ ꠛꠃꠄ ꠎꠤꠇꠣꠀꠄ, ꠇꠣꠟꠇꠦ ꠔꠥꠝꠤ ꠀꠝꠣꠞꠦ ꠀꠝꠣꠞ ꠢꠥꠞꠥꠔ꠆ꠕꠣ ꠃꠙꠣꠡ ꠕꠁꠀ ꠉꠦꠟꠣꠀꠄ ꠀꠞ ꠀꠁꠎꠇꠦ ꠔꠥꠝꠤ ꠀꠁꠟꠣꠁ। ꠈꠣꠟꠤ ꠔꠥꠝꠤ ꠛꠣꠖꠡꠣꠢ ꠐꠣꠁꠘ ꠈꠥꠎꠍ ꠘꠣꠘꠤ? ꠅꠘꠦ ꠛꠦꠐꠣ ꠀꠍꠟꠣ ꠀꠝꠞꠣ ꠄꠘ ꠟꠣꠈꠣꠘ ꠄꠇ ꠍꠥꠛ ꠛꠦꠐꠤꠞꠦ ꠝꠣꠞꠤꠀ ꠇꠀꠞꠣ।

ꠛꠥꠞꠦ ꠛꠣꠖꠡꠣꠢꠞ ꠐꠣꠁꠘ ꠈꠥꠎꠔꠣꠝ ꠛꠣꠖꠡꠣꠢꠦ ꠀꠞꠅꠇ ꠎꠘꠅꠞ ꠉꠦꠍꠦ ꠈꠥꠎꠞꠣ । ꠎꠣꠁꠔꠦ ꠎꠣꠁꠔꠦ ꠝꠡꠎꠤꠖꠅ ꠉꠦꠍꠤ ꠉꠤꠀ ꠀꠝꠤ ꠛꠣꠖꠡꠣꠢꠦ ꠎꠕꠘ ꠈꠥꠎꠞꠣ ꠢꠦꠘ ꠉꠦꠍꠦ ꠀꠝꠤꠅ ꠢꠦꠘ ꠉꠦꠍꠦ ꠈꠥꠎꠍꠤ। ꠅꠘꠦ ꠈꠥꠎꠔꠦ ꠈꠥꠎꠔꠦ ꠙꠣꠌ ꠅꠇ꠆ꠔꠅ ꠈꠥꠎꠟꠣꠝ ꠔꠦꠛꠥꠅꠔ ꠀꠝꠣꠞꠦ ꠖꠤꠞꠣ ꠘꠣ । 

ꠅꠘꠦ ꠖꠤꠍꠁꠘꠘꠣ ꠅꠘꠦ ꠙꠕꠅ ꠀꠁꠀ ꠄꠈꠎꠝꠤꠘꠅ ꠀꠁꠟꠦꠖꠤ ꠀꠁꠞꠣꠝ ꠅꠘꠦ ꠖꠦꠇꠤ ꠀꠝꠣꠞ ꠙꠣꠃ ꠙꠤꠍꠇꠤꠀ ꠄꠈ ꠒꠦꠉꠦꠖꠤ ꠢꠣꠝꠣꠁꠍꠦ ꠓꠦꠋ। ꠅꠘꠦ ꠖꠦꠈꠤ ꠡꠥꠘꠣ ꠃꠘꠣ ꠒꠦꠉꠦꠞ ꠝꠣꠏꠦ ꠜꠞꠣ ꠇꠕꠁ ꠇꠤꠔꠣ ꠔꠦ ꠄꠛꠟꠣ ꠇꠤꠔꠣ ꠇꠞꠔꠣꠝ ꠅꠘꠦ ꠀꠔꠣꠁꠀ ꠖꠦꠇꠤ ꠛꠦ ꠒꠦꠉ ꠔꠤꠘꠐꠣ ꠅꠘꠦ ꠔꠤꠘꠐꠣ ꠖꠦꠇꠤꠀ ꠀꠝꠤ ꠀꠞ ꠀꠘꠍꠤ ꠘꠣ।

ꠀꠝꠣꠞꠦ ꠖꠤꠟꠦꠔ ꠀꠟ꠆ꠟꠣꠄ ꠄꠇꠐꠣ ꠖꠤꠔꠣ ꠁ ꠖꠤꠟꠣꠁꠍꠁꠘ ꠔꠤꠘꠐꠣ। ꠅꠘꠦ ꠔꠤꠘꠐꠣ ꠀꠝꠤ ꠝꠘꠦ ꠢꠄ ꠔꠤꠘꠐꠣ ꠔꠤꠘ ꠎꠘꠞ ꠅꠘꠦ ꠛꠦꠐꠤꠄ ꠇꠄ ꠘꠣ ꠁꠉꠥꠘ ꠀꠝꠞꠣꠞ ꠁꠉꠥꠘ ꠔꠥꠝꠤ ꠇꠦꠘꠦ ꠀꠘꠞꠣꠄ ꠘꠣ। ꠛꠥꠟꠦ ꠗꠥꠞ ꠢꠦꠐꠤꠞ ꠢꠦꠐꠤ ꠀꠟ꠆ꠟꠣꠄ ꠖꠤꠟꠦ ꠄꠉꠥ ꠖꠤꠟꠣ ꠅꠘꠦ ꠔꠤꠘꠐꠣ ꠖꠤꠟꠣꠁꠍꠁꠘꠘꠤ? ꠀꠝꠣꠞꠦ ꠖꠤꠟꠦ ꠉꠞꠅ ꠀꠘꠤꠀ ꠖꠤꠛꠣ ꠅꠘꠦ ꠛꠦꠐꠤꠞꠦ ꠇꠁꠀ ꠛꠦꠐꠤꠞꠦ ꠝꠣꠞꠍꠦ। ꠛꠦꠐꠤ ꠝꠣꠁꠞ ꠈꠣꠁꠀ ꠉꠥꠝꠣꠁꠍꠦ ꠉꠥꠝꠣꠁꠀ ꠇꠔꠛꠤꠟ ꠛꠣꠖꠦ ꠇꠄ ꠄꠞꠦ ꠎꠣꠃꠉꠥ ꠉꠦꠟꠦ ꠔꠥꠝꠤ ꠁꠉꠥꠁꠘ ꠀꠝꠞꠣꠞ ꠀꠘꠔꠦ ꠙꠣꠞꠛꠣꠄ। ꠅꠘꠦ ꠅꠃ ꠎꠣꠉꠣ ꠅꠛꠣꠠꠤꠔ ꠄꠇ ꠖꠟꠣꠘ ꠉꠞ ꠌꠥꠞꠤ ꠇꠞꠔ ꠀꠁꠍꠤꠟ ꠔꠤꠘ ꠌꠥꠞ । ꠔ ꠁ ꠉꠞꠔꠅ ꠜꠣꠋꠉꠣ ꠉꠞ ꠅꠉꠞꠞ ꠇꠥꠘꠣꠔ ꠔꠣꠞꠣ ꠛꠁꠍꠦ ꠅꠘꠦ ꠛꠦꠐꠣꠄꠎꠦ ꠛꠦꠐꠤꠞ ꠟꠉꠦ ꠝꠣꠔꠦ ꠁ ꠝꠣꠔ ꠅꠃ ꠔꠤꠘꠅ ꠌꠥꠞꠦ ꠢꠥꠘꠦ। ꠢꠥꠘꠤꠀ ꠇꠄ ꠛꠥꠟꠦꠞꠦ ꠄꠇ ꠇꠣꠝ ꠇꠞꠅ ꠛꠦ ꠁ ꠔꠤꠘꠅꠐꠣꠔ ꠀꠝꠞꠣ ꠔꠤꠘꠉꠥꠞ ꠁꠔꠣ ꠔꠣꠞꠣꠞ ꠘꠣꠄ ꠔꠦ ꠀꠝꠞꠣ ꠎꠣꠁꠉꠤꠖꠦꠘꠅ ꠔꠤꠘꠅꠉꠥ ꠀꠝꠞꠣ ꠔꠤꠘꠅꠉꠥ ꠉꠦꠟꠦ ꠒꠦꠉ ꠔꠤꠘꠐꠣ ꠙꠣꠁꠟꠦ ꠀꠞ ꠌꠥꠞꠤ ꠇꠞꠔꠣꠝ ꠅꠃ ꠜꠣꠟꠣ ꠅꠁꠍꠦꠞꠦ ।

ꠛꠦꠐꠣꠄ ꠀꠘꠍꠦꠘꠣ ꠄꠇꠐꠣ ꠘꠣꠄ ꠇꠞꠤ ꠔꠦ ꠁ ꠔꠤꠘꠐꠣ ꠀꠝꠞꠣ ꠔꠤꠘꠉꠥꠞ ꠎꠣꠢ ꠅꠘꠦ ꠔꠣꠞꠣ ꠉꠦꠍꠦ ꠉꠤꠀ ꠎꠦꠝꠔꠘ ꠇꠁꠍꠦ ꠛꠦꠐꠣꠄ ꠢꠃ ꠎꠝꠤꠘꠅ ꠉꠤꠀ ꠅꠟꠣ ꠔꠤꠘꠅꠐꠣ ꠒꠦꠉ ꠙꠣꠁꠍꠦ। ꠙꠣꠁꠀ ꠅꠘꠦ ꠒꠦꠉꠞ ꠒꠣꠈꠘꠤ ꠃꠖꠟꠣꠁꠍꠦ ꠅꠘꠦ ꠖꠦꠈꠦ ꠡꠣꠙ ꠛꠤꠌ꠆ꠍꠥ ꠇꠤꠟꠇꠤꠟꠤ ꠇꠞꠞꠣ। ꠅꠘꠦ ꠒꠞꠣꠁꠀ ꠁ ꠗꠘꠔ ꠅꠃ ꠛꠦꠐꠣꠞ ꠅꠘꠦ ꠢꠤꠔꠣꠄꠔ ꠀꠞ ꠘꠦꠅꠀꠞ ꠝꠔꠘ ꠘꠣꠄ ꠅꠘꠦ ꠇꠄꠞꠦ ꠜꠣꠁ ꠄꠇ ꠇꠣꠝ ꠇꠞ ꠝꠘꠦ ꠢꠄ ꠛꠥꠗ ꠙꠣꠁꠍꠦ ꠀꠝꠞꠣꠎꠦ ꠌꠥꠞꠤꠔ ꠉꠦꠍꠤ ꠔꠦ ꠄꠇ ꠇꠣꠝ ꠇꠞ ꠉꠣꠝꠍꠣ ꠔꠤꠘꠉꠥꠞ ꠔꠤꠘꠇꠣꠘ ꠀꠍꠦ ꠛꠣꠘ ꠀꠐꠣꠁꠀ ꠒꠦꠉꠞꠦ। ꠀꠞ ꠛꠣꠘ꠆ꠗꠤꠀ ꠒꠦꠉ ꠅꠉꠥꠘ ꠟꠁꠟꠣꠁꠛꠣꠄ ꠝꠣꠔꠣꠔ ꠀꠞ ꠟꠁꠀ ꠎꠦꠔꠇꠥ ꠔꠣꠞ ꠛꠦꠞꠣ ꠛꠣꠋꠉꠣ ꠀꠍꠦ ꠀꠞꠅ ꠛꠣꠋꠉꠤꠀ ꠀꠞ ꠒꠦꠉ ꠔꠤꠘꠐꠣ ꠍꠣꠞꠤ ꠖꠤꠝꠥ ꠔꠣꠞ ꠊꠞꠅ। ꠉꠞꠅ ꠍꠣꠟꠤ ꠖꠤꠟꠦ ꠡꠣꠙ ꠛꠣꠞꠁꠀ ꠈꠣꠁꠟꠣꠁꠛ ꠁꠔꠣꠞꠦ ꠀꠞ ꠇꠣꠟꠇꠦ ꠀꠝꠞꠣ ꠌꠥꠞꠤ ꠇꠞꠔꠣꠝ ꠙꠣꠞꠝꠥ ꠁꠔꠣ ꠝꠞꠤꠉꠦꠟꠦꠔ ꠀꠞ ꠈꠥꠎ ꠈꠞ꠆ꠞꠣ ꠘꠣꠁ । ꠔꠦ ꠅꠃ ꠛꠥꠖ꠆ꠗꠤ ꠇꠞ ꠅꠘꠦ ꠔꠣꠞꠣ ꠔꠤꠘꠅꠉꠥꠄ ꠉꠣꠝꠍꠣ ꠖꠤꠀ ꠀꠐꠣꠁꠀ ꠛꠣꠘꠍꠦ ꠙꠤꠍꠇꠤꠟꠦꠔ ꠡꠣꠙꠦ ꠈꠣꠁꠟꠤꠛ ꠀꠐꠣꠁꠀ ꠛꠣꠘ꠆ꠗꠤꠀ ꠟꠁꠀ ꠀꠁꠍꠦ ꠒꠦꠉ ꠔꠤꠘꠅꠐꠣ।

ꠀꠘꠤꠀ ꠛꠦꠞꠣ ꠜꠣꠋꠉꠣ ꠀꠍꠤꠟ ꠕꠥꠞꠣ ꠀꠞꠅ ꠛꠦꠡ ꠇꠞꠤ ꠜꠣꠋꠍꠦ ꠅꠘꠦ ꠛꠦꠡ ꠇꠞꠤ ꠜꠣꠋꠉꠤꠀ ꠒꠦꠉ ꠔꠤꠘꠐꠣ ꠉꠞꠅ ꠙꠣꠟꠣꠁꠍꠦ ꠎꠣꠘꠤ ꠁꠐꠣ ꠝꠣꠞꠤ ꠔꠣꠞꠣ ꠎꠣꠝꠣꠁ ꠛꠃ ꠢꠎꠣꠉ ꠅꠁꠉꠦꠍꠦ। ꠅꠘꠦ ꠢꠎꠣꠉ ꠅꠁꠀ ꠖꠦꠇꠦ ꠔꠣꠞꠣ ꠉꠞꠅꠞ ꠝꠣꠎꠦ ꠡꠥꠘꠣ ꠞꠥꠙꠣꠄ ꠎꠟꠈꠦꠞ ꠅꠘꠦ ꠇꠄ ꠖꠦꠈꠍꠔ ꠘꠤ ꠀꠝꠤ ꠎꠦ ꠇꠁꠍꠟꠣꠝ ꠀꠞ ꠢꠣꠔꠣꠄ ꠒꠦꠉ ꠍꠣꠞꠤꠀ ꠖꠃꠠ ꠖꠤꠟꠣꠁꠍꠁꠘ ꠎꠦ ꠡꠣꠙ ꠛꠣꠞꠁꠀ ꠔꠣꠞꠣꠞꠦ ꠇꠣꠁꠟꠣꠁꠛ। ꠈꠣꠁꠟꠦ ꠅꠔꠣꠞꠦ ꠇꠣꠃꠇ ꠀꠝꠞꠣꠞꠦ ꠈꠣꠃꠇ ꠘꠣ ꠢꠤꠔꠣ ꠔ ꠎꠘꠅꠞ ꠀꠎꠣꠛꠦ ꠉꠦꠍꠦꠉꠤ ꠅꠘꠦ ꠇꠄ ꠄ ꠀꠝꠤꠎꠦꠘꠅ ꠇꠁꠍꠟꠣꠝ ꠛꠥꠟꠦ ꠀꠝꠤ ꠈꠥꠎꠤꠀ ꠀꠁꠍꠤꠛꠦ ꠀꠟ꠆ꠟꠣꠄ ꠖꠤꠟꠦ ꠉꠞꠅ ꠀꠘꠤꠀ ꠖꠤꠛꠣ ꠅꠃ ꠖꠦꠈ ꠀꠝꠞꠣꠞꠦ ꠀꠟ꠆ꠟꠣꠄ ꠖꠤꠟꠦ ꠉꠞ ꠀꠘꠤꠀ ꠖꠤꠍꠁꠘ ꠔꠦ ꠀꠝꠣꠞꠅ ꠜꠣꠁꠉꠅ ꠜꠣꠟꠣ ।।।