Hen ten kori khai(Story Part-II)

 

Hen ten kori khai(Story Part-II)

 

ꠛꠥꠟꠦ ꠀꠁꠌ꠆ꠍꠣꠞꠦ ꠜꠣꠁ ꠛꠦꠌꠤꠟꠣ ꠁꠔꠣ ꠈꠣꠁꠔ ꠇꠦꠛꠦ? ꠎꠦꠔꠣ ꠀꠍꠦ ꠅꠃꠔ꠆ꠔ ꠔꠥꠁ ꠀꠞ ꠀꠝꠤ ꠅꠘꠇꠥ ꠔꠞ ꠘꠣꠘꠤ ꠄꠉꠥ ꠀꠘꠟꠦ ꠁꠉ꠆ꠉꠤꠄ ꠛꠥꠏꠟꠦ ꠘꠣꠄ ꠁꠉꠥꠞꠦꠔ ꠔꠥꠞꠣ ꠖꠤꠞꠦꠁ ꠅꠁꠛꠅ।

ꠛꠥꠟꠦ ꠅꠄ। ꠔꠦ ꠄꠛꠟꠣ ꠇꠞꠣꠁꠟꠣꠍꠦ ꠛꠤꠀ ꠘꠣꠘꠣꠞꠦ ꠛꠤꠀ ꠇꠞꠣꠘꠤꠔ ꠟꠁꠀ ꠎꠣꠁꠔꠣ ꠅꠃ ꠘꠣꠘꠤ ꠅꠃ ꠅꠘꠦ ꠅꠜꠣꠁ ꠔꠥꠁ ꠌꠣꠇꠞꠤ ꠇꠤꠔꠣ ꠇꠞꠍ?

ꠛꠥꠟꠦ ꠌꠣꠇꠞꠤꠞꠦ ꠛꠥꠟꠦ ꠘꠣꠘꠣ ꠔ ꠢꠦꠘꠔꠦꠘ ꠇꠞꠤ ꠔ ꠀꠉꠦ ꠇꠁꠟꠣꠝ ꠔ ꠅꠘꠇꠥ ꠇꠤꠔꠣ ꠇꠞꠛꠣꠄ ꠀꠝꠤꠔ ꠢꠦꠘꠔꠦꠘ ꠇꠞꠤꠀ ꠈꠣꠁꠀꠞ ꠅꠃ ꠀꠃ ꠌꠣꠈꠞꠤ ꠅꠃ ꠀꠝꠣꠞ ꠔꠦ ꠄꠇ ꠇꠦꠝ ꠇꠞꠤ ꠟꠣꠃ।

ꠀꠝꠣꠞꠅ ꠛꠤꠖꠦꠡꠞ ꠛꠦꠛꠡ꠆ꠕꠣ ꠅꠁ ꠉꠦꠍꠦ ꠀꠝꠤ ꠎꠣꠁꠝꠥꠉꠤ ꠔꠥꠝꠞꠣꠞꠦ ꠛꠤꠀꠐꠣ ꠇꠞꠣꠁꠀ ꠖꠤꠀ ꠇꠦꠘꠦ ꠘꠣꠘꠣ ꠘꠣꠁ ꠄꠇꠎꠘ ꠘꠣꠘꠤ ꠀꠘꠤ ꠟꠣꠁ ꠘꠣꠘꠤꠞꠦ ꠇꠁꠍꠦ ꠉꠥ ꠘꠣꠘꠤ ꠔꠥꠝꠣꠞ ꠟꠣꠉꠤ ꠄꠇꠛꠣꠞꠦ ꠘꠣꠘꠣꠞ ꠟꠣꠈꠣꠘ ꠄꠇ ꠎꠣꠝꠣꠁ ꠙꠣꠁꠍꠤ ꠇꠤꠘ꠆ꠔꠥ ꠔꠥꠝꠤ ꠎꠦꠘ ꠎꠣꠁꠛꠣꠁ ꠢꠘ ꠉꠤꠀꠣ ꠢꠣꠞꠟꠦ ꠔꠥꠝꠤ ꠊꠥꠝꠐꠣ ꠈꠥꠟꠔꠦ ꠅꠁꠛꠣꠁ।

ꠀꠞ ꠘꠣꠄ ꠊꠥꠝꠐꠣ ꠈꠥꠟꠔꠦ ꠢꠣꠞꠔꠣꠄ ꠘꠣꠄ ꠁ ꠛꠖꠟꠣ ꠘꠣꠘꠣ ꠅꠃ ꠅꠞꠣ ꠀꠞꠇꠤ । ꠔꠦ ꠉ ꠘꠣꠘꠤ ꠎꠦ ꠘꠣꠘꠣ ꠅꠁꠛꠣ ꠡꠅꠛꠔꠣ ꠖꠤꠞꠣ ꠀꠞ ꠀꠝꠤ ꠛꠥꠏꠖꠣꠝ ꠄꠇꠎꠘ ꠘꠣꠘꠣ ꠕꠁꠀ ꠉꠦꠟꠣꠝ ꠀꠝꠤꠔ ꠛꠤꠖꠦꠡ ꠎꠣꠁꠞꠣꠝ ꠉꠤꠀ। ꠔꠦ ꠁꠅ ꠇꠞꠤ ꠔꠥꠝꠣꠞ ꠛꠣꠠꠤꠔ ꠅꠃ ꠘꠤꠀ ꠖꠤꠝꠥ । ꠛꠥꠟꠦ ꠀꠁꠌ꠆ꠍꠣ। ꠅꠘꠦ ꠔꠣꠞ ꠛꠣꠡꠣꠔ ꠅꠁꠔ ꠛꠤꠀ ꠝꠣꠘꠥꠡ-ꠃꠘꠥꠡ ꠙꠄꠡꠣ ꠅꠁꠟꠦꠔ ꠝꠣꠘꠥꠡ ꠝꠤꠟꠦ ꠀꠝꠤꠅ ꠎꠣꠁꠝꠥ ꠅꠟꠣ ꠚꠥꠚꠥꠞ ꠟꠣꠈꠣꠘ ꠇꠄꠇꠎꠘ ꠅꠟꠣ ꠀꠁꠌ꠆ꠍꠁꠘ ꠗꠞꠤ ꠞꠣꠃ ꠡꠚꠤꠇ ꠀꠟꠤ ꠅꠃ ꠅꠘꠦ ꠀꠁꠟꠣ ꠀꠁꠀ ꠔ ꠅꠘꠦ ꠘꠣꠘꠣꠞ ꠐꠣꠁꠘ ꠀꠈꠔ ꠙꠞꠣꠁꠀ ꠘꠣꠘꠤꠞꠦ ꠖꠤꠟꠣꠁꠟꠣ ꠛꠤꠀ । ꠇꠣꠎꠤ-ꠃꠎꠤ ꠀꠁꠍꠦ ꠇꠣꠛꠤꠘꠅ ꠎꠣꠉꠣ ꠄꠇ ꠇꠤꠀꠞ ꠟꠁꠀ  ꠅꠘꠦ ꠟꠁꠀ ꠉꠦꠍꠁꠘ ꠛꠣꠠꠤꠔ ꠉꠣꠠꠤ। ꠛꠣꠠꠤꠔ ꠉꠣꠠꠤ ꠟꠁꠀ ꠉꠤꠀ ꠇꠁꠘ꠆ꠘꠣ ꠔꠥꠟꠍꠁꠘ।

ꠅꠘꠦ ꠘꠣꠘꠣꠞꠦ ꠔ ꠘꠣꠘꠤꠞ ꠝꠥꠈ ꠖꠦꠈꠣꠁꠔꠣ ꠅꠘꠦ ꠘꠣꠘꠤꠞ ꠝꠥꠈ ꠖꠦꠈꠣꠁꠍꠁꠘ ꠘꠣꠘꠣꠞꠦ ꠝꠥꠈ ꠖꠦꠈꠣꠘꠤ ꠘꠣꠘꠣꠄ ꠝꠥꠈ ꠢꠞꠣꠁꠀ ꠖꠦꠈꠁꠘ ꠢꠃ ꠘꠣꠘꠤ।

 ꠅꠃ ꠅꠘꠦ ꠘꠣꠘꠤ ꠔ ꠌꠣꠁꠍꠁꠘ ꠘꠣꠘꠣꠞ ꠛꠣꠄ ꠢꠃ ꠘꠣꠘꠣ ꠅꠃ। ꠅꠘꠦ ꠢꠦ ꠔꠣꠞ ꠛꠤꠀ ꠙꠞꠣꠁꠀ ꠖꠤꠀ ꠢꠦ ꠀꠞ ꠙꠣꠁꠔꠣꠁ ꠈꠁ ꠘꠣꠁ ꠅꠃ ꠇꠁꠟꠞꠦ ꠜꠣꠁ ꠁ ꠇꠤꠔꠣ ꠇꠞꠟꠦ ꠛꠥꠟꠦ ꠘꠣꠘꠣ ꠇꠁꠍꠤ ꠘꠣ ꠘꠤ ꠢꠦꠘꠔꠦꠘ ꠇꠞꠤ ꠔꠦꠔꠅ ꠀꠝꠤ ꠀꠝꠣꠞ ꠢꠦꠘꠔꠦꠘ ꠇꠞꠍꠤ।

ꠔꠥꠝꠞꠣ ꠀꠝꠣꠞꠦ ꠄꠝꠘꠦ ꠖꠤꠍꠞꠣꠁ ꠘꠣ ꠀꠝꠤ ꠢꠦꠝꠘꠦ ꠇꠞꠍꠤ । ꠅꠘꠦ ꠃꠁ ꠘꠣꠘꠣꠞꠦ ꠅꠃ ꠘꠣꠘꠤꠞꠦ ꠅꠃ ꠘꠣꠘꠣꠞ ꠐꠣꠁꠘ ꠛꠤꠀ ꠖꠤꠟꠅ ꠅꠃ ꠅꠁꠉꠦꠟ ꠛꠤꠀ ꠅꠘꠦꠞꠦ ꠜꠣꠁ ꠔꠥꠝꠤꠅ ꠢꠦꠘꠔꠦꠘ ꠇꠞꠤꠛꠣ ꠇꠤꠟꠣ ।।।